PBBM, hinainan ng impeachment complaint ng Duterte Youth party-list

By Mary Joy Salcedo

May 08, 2025

In BALITA National

Naghain ng impeachment complaint ang Duterte Youth party-list laban kay Pangulong Ferdinand Marcos Jr. dahil sa pagpayag umano nitong ipadala si dating Pangulong Rodrigo Duterte sa mga “banyaga” o sa International Criminal Court (ICC).

Sa isang Facebook post nitong Huwebes, Mayo 8, ibinahagi ni Duterte Youth Partylist Rep. Ronald Cardema ang kanilang paghain ng reklamong pagpapatalsik kay Marcos.

“At the Moment, as endorsed by Duterte Youth Party-List, Ronald Cardema and Marie Cardema of Calamba City, are filing the first Impeachment Complaint against President Bongbong Marcos for allowing the transfer of a Filipino Citizen, former President Rodrigo Duterte, to foreigners,” ani Cardema sa kaniyang post.

Iginiit ng party-list na kaugnay umano ang kanilang reklamo sa mga probisyon ng Article XI (Accountability of Public Officers), Sections 2 at 3 ng 1987 Philippine Constitution, at maging sa Rules of Procedure sa Impeachment Proceedings ng 19th Congress.

Ito ang unang impeachment complaint na inihain laban kay Marcos mula nang maging pangulo ito ng bansa noong 2022.

Habang sinusulat ito’y wala pang pahayag ang pangulo o Malacañang hinggil dito.

Kasalukuyang nasa kustodiya ng ICC si Duterte sa The Hague, Netherlands matapos siyang arestuhin noong Marso 11, dahil sa kasong “krimen laban sa sangkatauhan” kaugnay ng madugong giyera kontra droga ng kaniyang administrasyon.

BASAHIN: TIMELINE: Mula pag-implementa ng drug war, pag-imbestiga ng ICC, hanggang pag-aresto kay FPRRD

Health Spa sa QC, pinasabugan ng hinihinalang granada; 2 motorsiklo, tupok!

Isang health spa sa Quezon City ang binulabog ng pagsabog matapos umanong hagisan ng hinihinalang granada mula sa isang riding-in-tandem.Ayon sa mga ulat, dalawang motorsiklo ang nagliyab habang nakapa-park sa loob ng compound ng naturang establisyemento na posible raw na tinamaan.Samantala, agad namang naapula ng mga awtoridad ang sunog kung saan natuklasang hindi umano ordinaryong insidente ang...

Mag-asawang Robes ng SJDM, Bulacan nagpasalamat sa suporta ng INC

Nagpasalamat ang mag-asawang sina San Jose Del Monte City, Bulacan Mayor Arthur Robes at Lone Legislative District of San Jose Del Monte City, Bulacan Rep. Rida Robes sa pamunuan ng Iglesia Ni Cristo (INC) matapos suportahan ang kanilang kandidatura para sa nalalapit na 2025 National and Local Elections sa Lunes, Mayo 12.Si Mayor Arthur ay tumatakbo sa pagkakongresista sa nabanggit na lungsod sa...

Leni Robredo, isa sa biggest lifesavers si Bam Aquino

Itinuturing ni dating Vice President Leni Robredo si senatorial candidate Bam Aquino bilang isa sa kaniyang “biggest lifesavers.”Sa isang Facebook post, binati ni Robredo si Aquino para sa kaarawan nito noong Miyerkules, Mayo 7.“Happy Birthday to one of my biggest lifesavers, Bam Aquino,” ani Robredo sa kaniyang post nitong Huwebes, Mayo 8.Nagbigay naman ng komento si Aquino sa post ni...