Pasig Bet Atty. Christian Sia, dinisqualify ng Comelec

By Kate Garcia

May 08, 2025

In BALITA Eleksyon

Diniskwalipika na ng Commission on Election (Comelec) 2nd Division si Pasig City Congressional Bet Atty. Christian Sia, kaugnay ng kaniyang kontrobersyal na pahayag sa mga single mom.

Batay sa resolusyong inilabas ng komisyon nitong Huwebes, Mayo 8, 2025, pinagtibay nito ang pag-disqualify sa kandidatura ni Sia.

"Pursuant to the clear and mandatory language of Section 68, the Respondent is hereby rendered disqualified from continuing as candidate," anang Comelec.

Nilinaw din ni Comelec na mananatili ring suspendido si Sia kung sakali mang manalo siya sa darating na halalan sa Mayo 12.

"In the event that the Respondent nonetheless obtains the highest number of votes, his proclamation shall be suspended until the resolution of this case," anila.

Matatandaang naging usap-usapan sa social media ang nag-viral na video ni Sia patungkol sa kaniyang hirit sa mga solo parent na babae noong Abril 3.

KAUGNAY NA BALITA: Atty. Ian Sia, walang intensyong bastusin mga single mom; bahagi raw ito ng 'freedom of speech' niya

"Minsan sa isang taon, ang mga solo parent na babae, na nireregla pa, malinaw na nireregla pa, at nalulungkot, minsan sa isang taon, puwede pong sumiping sa akin," ani Sia.

Habang noong Abril 16 naman nang maglabas ang Comelec Task Force ng disqualification case laban kay Sia.

KAUGNAY NA BALITA: Comelec Task Force, naghain ng disqualification case laban kay Pasig congressional bet Christian Sia

Bam Aquino, Bong Go ibinahagi pag-endorso sa kanila ng JIL Church

Nagpahayag ng pasasalamat sina senatorial candidates Bam Aquino at Bong Go sa pag-endorso raw sa kanila ng Jesus is Lord (JIL) church para sa nalalapit na 2025 midterm elections.Sa isang Facebook post nitong Miyerkules, Mayo 7, nagpasalamat si Aquino sa JIL, founder nitong si CIBAC party-list Rep. Brother Eddie Villanueva, at Senador Joel Villanueva sa pagsuporta ng simbahan sa kaniyang...

PBBM, hinikayat OFWs na bumoto: ‘Makilahok sa kinabukasan ng ating bayan’

Hinikayat ni Pangulong Ferdinand “Bongbong” Marcos Jr. ang overseas Filipino workers (OFWs) na bumoto at makiisa sa 2025 midterm elections.Sa isang video message nitong Huwebes, Mayo 8, sinabi ni Marcos na nagpapatuloy pa rin ang overseas voting na nagsimula na noong Abril 13, 2025.'Ito po ang inyong pagkakataon na makilahok sa kinabukasan ng ating bayan. Ngayon, mas madali na ang...

TIMELINE: Ang pagpili ng ika-267 Santo Papa ng Simbahang Katolika

Pormal nang nagsimula ang muling pagpili ng Simbahang Katolika para sa susunod na Santo Papa na siyang nakatakdang mamuno sa bilyong Katoliko mula sa iba’t ibang panig ng mundo.Nagsimula ang Papal Conclave noong Miyerkules Mayo 7, 2025 kung saan ikinulong ang 133 cardinal sa loob ng Sistine Chapel upang isagawa ang kanilang eleksyon para sa susunod na Santo Papa, kasunod ng pagpanaw ni Pope...