Nag-viral na pulis, sinibak na ng NAPOLCOM: 'Fontillas was found guilty!'-Balita

Nag-viral na pulis, sinibak na ng NAPOLCOM: 'Fontillas was found guilty!'

Kinumpirma ng National Police Commission (NAPOLCOM) ang pag-dismiss nila sa serbisyo kay Patrolman Francis Steve Fontillas, matapos ang kaniyang mga kontrobersyal na social media posts laban sa pamahalaan.

Batay sa inilabas na pahayag ng NAPOLCOM nitong Huwebes, Mayo 8, 2025, binanggit din nila ang kanila umanong hatol laban kay Fontillas.

"In a National Police Commission (NAPOLCOM) En Banc Deliberations on Summary Dismissal Proceedings held yesterday late afternoon (May 7, 2025), the Commissioners, voting unanimously, DISMISSED from the police service Patrolman Francis Steve T. Fontillas (in SDC No. NCR-2025-0010)," anang komisyon.

Dagdag pa nila, "During the NAPOLCOM En Banc Deliberations, Fontillas was found guilty of Grave Misconduct, Conduct Unbecoming of a Police Officer, and Disloyalty to the Government.”

Hindi na rin daw maaaring bumalik sa public service si Fontillas.

"Aside from Dismissal, the NAPOLCOM En Banc also meted out the accessory penalty of perpetual disqualification from pub;ic service," anang NAPOLCOM.

Samantala, sa isang Facebook post nitong Huwebes, pinalagan ni Fontillas ang naturang hatol ng NAPOLCOM, at iginiit niyang gawa-gawa lang umano ng komisyon ang pagsibak sa kaniya dahil nauna na raw siyang magbitiw sa serbisyo noong Abril 25.

"Sabi ng NAPOLCOM, na-dismiss daw ako. Eh April 25 pa ako nakapag-resign. Gawa-gawa na naman kayo ng kwento. Mga iyakin!" saad ni Fontillas.

Kaugnay ng kaniyang pagbibitiw sa puwesto, nilinaw ni NAPOLCOM Vice Chairperson and Executive Officer (VCEO) Rafael Vicente Calinisan na hindi pa rin daw siya ligtas sa kasong kahaharapin.

"Fontillas' resignation did not stay in the administrative and criminal cases filed against him. Since Fontillas was already formally charged in NAPOLCOM before his resignation, NAPOLCOM already acquired jurisdiction over his person. Thus, no matter what Fontillas claims, he cannot conveniently escape liability through resignation, and was thus made liable as he should be," ani Calinisan.

Si Fontillas ay miyembro ng PNP at vlogger na naging usap-usapan sa social media kamakailan, matapos ang mga komento niyang direkta umanong pumupuna sa gobyerno sa pamamagitan ng written posts at video sa kaniyang Facebook page.

KAUGNAY NA BALITA: Pulis na pumuna umano sa PNP, PBBM admin, sinampahan ng sedisyon

Health Spa sa QC, pinasabugan ng hinihinalang granada; 2 motorsiklo, tupok!

Isang health spa sa Quezon City ang binulabog ng pagsabog matapos umanong hagisan ng hinihinalang granada mula sa isang riding-in-tandem.Ayon sa mga ulat, dalawang motorsiklo ang nagliyab habang nakapa-park sa loob ng compound ng naturang establisyemento na posible raw na tinamaan.Samantala, agad namang naapula ng mga awtoridad ang sunog kung saan natuklasang hindi umano ordinaryong insidente ang...

Mag-asawang Robes ng SJDM, Bulacan nagpasalamat sa suporta ng INC

Nagpasalamat ang mag-asawang sina San Jose Del Monte City, Bulacan Mayor Arthur Robes at Lone Legislative District of San Jose Del Monte City, Bulacan Rep. Rida Robes sa pamunuan ng Iglesia Ni Cristo (INC) matapos suportahan ang kanilang kandidatura para sa nalalapit na 2025 National and Local Elections sa Lunes, Mayo 12.Si Mayor Arthur ay tumatakbo sa pagkakongresista sa nabanggit na lungsod sa...

Leni Robredo, isa sa biggest lifesavers si Bam Aquino

Itinuturing ni dating Vice President Leni Robredo si senatorial candidate Bam Aquino bilang isa sa kaniyang “biggest lifesavers.”Sa isang Facebook post, binati ni Robredo si Aquino para sa kaarawan nito noong Miyerkules, Mayo 7.“Happy Birthday to one of my biggest lifesavers, Bam Aquino,” ani Robredo sa kaniyang post nitong Huwebes, Mayo 8.Nagbigay naman ng komento si Aquino sa post ni...