'Kapanalunan ng DuterTEN, kapanalunan para kay Tatay Digong!'—Sen. Bong Go

By Richard De Leon

May 08, 2025

In BALITA Eleksyon

Ipinagdiinan ng re-electionist na si Sen. Bong Go na ang pagboto nang straight sa mga senador na kabilang sa "DuterTEN" ng PDP-Laban ay pagpanalo rin para kay dating Pangulong Rodrigo Duterte sa nalalapit na halalan sa Lunes, Mayo 12.

Sa panayam ng SMNI kay Go sa Miting De Avance ng partido sa Liwasang Bonifacio sa Maynila, pinaalalahanan ng senador ang mga botante na alalahanin ang mga naging sakripisyo ni "Tatay Digong" para sa bansa, kapag boboto na sila ng mga iluluklok sa Senado.

Ang pagkapanalo raw ng senatorial slate ng PDP-Laban ay iniaalay o dedicated para sa dating pangulo.

"Ang kapanalunan po ng DuterTEN... tandaan n'yo lang po, DuterTEN! Ang kapanalunan po ng DuterTEN sa darating na Lunes ay kapanalunan po ng mga Pilipino, kapanalunan po para kay Tatay Digong," ani Go.

Nakikiusap daw ang senador sa mga kababayan na huwag kalimutang ipagdasal ang kalagayan ni dating Pangulong Duterte, para sa kaniyang kalusugan, kaligtasan, at kalayaan.

Ang tinatawag na DuterTEN ay sina Atty. Jimmy Bondoc, Sen. Ronald "Bato" Dela Rosa, Sen. Bong Go, SAGIP Party-list Rep. Rodante Marcoleta, Atty. Jayvee Hinlo, Atty. Raul Lambino, Doc. Marites Mata, Pastor Apollo Quiboloy, at Atty. Vic Rodriguez, at Phillip Salvador.

KAUGNAY NA BALITA: 'DuterTEN' magsasagawa ng miting de avance sa Maynila

KAUGNAY NA BALITA: 'Walang Imee, Camille?' DuterTEN, Honasan, Querubin ineendorso ni FPRRD

PBBM party-list, tuluyan nang diniskwalipika ng Comelec

Pinagtibay ng Commission on Elections (Comelec) ang desisyon nitong idiskuwalipika ang rehistrasyon ng Pilipinas Babangon Muli (PBBM) party-list para sa 2025 midterm elections dahil sa umano’y usapin ng “misrepresentation.” Base sa inilabas na resolusyon ng Comelec nitong Miyerkules, Mayo 7, ibinasura ang motion for reconsideration na inihain ng PBBM party-list dahil sa hindi raw nito...

Bam Aquino, Bong Go ibinahagi pag-endorso sa kanila ng JIL Church

Nagpahayag ng pasasalamat sina senatorial candidates Bam Aquino at Bong Go sa pag-endorso raw sa kanila ng Jesus is Lord (JIL) church para sa nalalapit na 2025 midterm elections.Sa isang Facebook post nitong Miyerkules, Mayo 7, nagpasalamat si Aquino sa JIL, founder nitong si CIBAC party-list Rep. Brother Eddie Villanueva, at Senador Joel Villanueva sa pagsuporta ng simbahan sa kaniyang...

PBBM, hinikayat OFWs na bumoto: ‘Makilahok sa kinabukasan ng ating bayan’

Hinikayat ni Pangulong Ferdinand “Bongbong” Marcos Jr. ang overseas Filipino workers (OFWs) na bumoto at makiisa sa 2025 midterm elections.Sa isang video message nitong Huwebes, Mayo 8, sinabi ni Marcos na nagpapatuloy pa rin ang overseas voting na nagsimula na noong Abril 13, 2025.'Ito po ang inyong pagkakataon na makilahok sa kinabukasan ng ating bayan. Ngayon, mas madali na ang...