Bam Aquino, Bong Go ibinahagi pag-endorso sa kanila ng JIL Church-Balita

Bam Aquino, Bong Go ibinahagi pag-endorso sa kanila ng JIL Church

Nagpahayag ng pasasalamat sina senatorial candidates Bam Aquino at Bong Go sa pag-endorso raw sa kanila ng Jesus is Lord (JIL) church para sa nalalapit na 2025 midterm elections.

Sa isang Facebook post nitong Miyerkules, Mayo 7, nagpasalamat si Aquino sa JIL, founder nitong si CIBAC party-list Rep. Brother Eddie Villanueva, at Senador Joel Villanueva sa pagsuporta ng simbahan sa kaniyang kandidatura.

“Maraming salamat sa endorsement ng Jesus is Lord Church sa posisyon ng Senador. Maraming salamat sa tiwala at suporta! Many thanks to Sen. Joel Villanueva for arranging the meeting with the JIL National Executive Committee. And of course, to Bro. Eddie, who remains one of our country's spiritual leaders,” ani Aquino.

“Malalim ang aking pananampalataya na may plano ang Diyos para sa Pilipinas! At sama sama natin ito papandayin. God Bless the Philippines!” dagdag niya.

Ipinaabot din ni Go ang kaniyang pagkatuwa sa endorso ng JIL sa pamamagitan ng isang Facebook post nitong Huwebes, Mayo 8.

“Ako ay lubos na nagpapasalamat sa Jesus is Lord Church Worldwide at sa kanilang visionary founder na si Pastor Eddie Villanueva sa pag-endorso sa aking kandidatura sa pagka-senador sa halalang ito. Nagpapasalamat din ako sa aking butihin at kapwa mambabatas, Senador Joel Villanueva, sa tiwalang ibinigay. Ito ay isang malaking personal na karangalan para sa akin,” ani Go.

“Ang pag-endorsong ito ay lalong nagbibigay sa akin ng lakas ng loob upang mas lalong mag-alay ng tapat at tunay na serbisyong may malasakit dahil naniniwala ako na ang serbisyo sa tao ay serbisyo sa Diyos. At ako ay mapalad na andyan ang Jesus is Lord Church na aking magiging kaagapay sa aking mga hangarin para sa bayan, lalo na sa mga mahihirap na mga Pilipino,” saad pa niya.

Matatandaang noong Linggo, Mayo 4, nang nauna nang iendorso ng JIL ang limang senatorial candidates na sina reelectionist Senator Pia Cayetano, dating Senador Manny Pacquiao, dating Senate President Tito Sotto, dating Senador Panfilo Lacson, at dating Senador Kiko Pangilinan.

MAKI-BALITA: JIL Church, nag-endorso ng 5 senatorial candidates

Nakatakdang isagawa ang 2025 midterm elections sa darating na Lunes, Mayo 12.

PBBM party-list, tuluyan nang diniskwalipika ng Comelec

Pinagtibay ng Commission on Elections (Comelec) ang desisyon nitong idiskuwalipika ang rehistrasyon ng Pilipinas Babangon Muli (PBBM) party-list para sa 2025 midterm elections dahil sa umano’y usapin ng “misrepresentation.” Base sa inilabas na resolusyon ng Comelec nitong Miyerkules, Mayo 7, ibinasura ang motion for reconsideration na inihain ng PBBM party-list dahil sa hindi raw nito...

PBBM, hinikayat OFWs na bumoto: ‘Makilahok sa kinabukasan ng ating bayan’

Hinikayat ni Pangulong Ferdinand “Bongbong” Marcos Jr. ang overseas Filipino workers (OFWs) na bumoto at makiisa sa 2025 midterm elections.Sa isang video message nitong Huwebes, Mayo 8, sinabi ni Marcos na nagpapatuloy pa rin ang overseas voting na nagsimula na noong Abril 13, 2025.'Ito po ang inyong pagkakataon na makilahok sa kinabukasan ng ating bayan. Ngayon, mas madali na ang...

TIMELINE: Ang pagpili ng ika-267 Santo Papa ng Simbahang Katolika

Pormal nang nagsimula ang muling pagpili ng Simbahang Katolika para sa susunod na Santo Papa na siyang nakatakdang mamuno sa bilyong Katoliko mula sa iba’t ibang panig ng mundo.Nagsimula ang Papal Conclave noong Miyerkules Mayo 7, 2025 kung saan ikinulong ang 133 cardinal sa loob ng Sistine Chapel upang isagawa ang kanilang eleksyon para sa susunod na Santo Papa, kasunod ng pagpanaw ni Pope...