BALITAnaw: Gaano katagal ang naging Papal Conclave sa mga nakaraang taon?

By Kate Garcia

May 08, 2025

In FEATURES Human-Interest

Muling nasaksihan ng buong mundo ang pagsisimula ng pagpili sa ika-267 pinuno ng Simbahang Katolika.

Isa ang papal conclave sa mga pinakamahahalagang pangyayaring panrelihiyon sa kasaysayan, sa loob o labas man ng relihiyong Romanong Katoliko.

Sa paglipas ng panahon, nananatiling buhay ang paraan ng pagpili ng Santo Papa sa pamamagitan ng isang eleksyong pinagbobotohan ng mga cardinal. Conclave ang tawag sa paraan nila ng pagboto kung saan lahat ng mga kwalipikadong cardinal ay maaari nilang iboto.

Ngayong nakatakda na muling pangalanan ang susunod na Santo Papa, narito ang pagbabalik-tanaw sa kasaysayan kung gaano nga ba katagal inabot bago nakapagluklok ng Santo Papa noon ang Simbahang Katolika.

KAUGNAY NA BALITA: ALAMIN: Bakit ikinukulong sa Sistine Chapel ang mga cardinal sa pagpili ng bagong Santo Papa?

Mula taong 1600 hanggang 1900, inaabot ng mahigit sa 100 araw bago matapos ang Conclave. Ito ang dahilan kung bakit noong 1740 naitala ang pinakamahabang Conclave na inabot ng 182 araw hanggang sa napili si Pope Benedict XIV. Narito ang ilan pa sa mga Conclave na nagtagal ng halos tatlong buwan:

-Pope Pius VII (1800)- 104 araw

-Pope Clement XII (1730)- 130 araw

-Pope Clement X (1670) - 131 araw

-Pope Pius VI (1775)- 134 araw

-Pope Innocent XII (1691) 151 araw

Subalit sa pagpasok ng 1903 hanggang sa taong kasalukuyan, nagbago na ang itinagal ng bawat Conclave kung saan tumatagal na lamang ito ng dalawa hanggang limang araw. Narito ang ilan pa sa mga Conclave na nagtagal lamang ng ilang araw:

-Pope Pius X (1903)- 5 araw

-Pope Benedict XV (1914)- 4 araw

-Pope John Paul II (1978)- 3 araw

-Pope Benedict XVI (2005)- 2 araw

-Pope Francis (2013)- 2 araw

Habang isinusulat ang artikulong ito, kasalukuyang nag-aabang ang publiko sa ikalawang pagsalang ng mga cardinal sa Conclave nitong Huwebes, Mayo 8, 2025 matapos na opisyal na magsimula ang unang botohan noong Miyerkules, Mayo 7.

PBBM, hinikayat OFWs na bumoto: ‘Makilahok sa kinabukasan ng ating bayan’

Hinikayat ni Pangulong Ferdinand “Bongbong” Marcos Jr. ang overseas Filipino workers (OFWs) na bumoto at makiisa sa 2025 midterm elections.Sa isang video message nitong Huwebes, Mayo 8, sinabi ni Marcos na nagpapatuloy pa rin ang overseas voting na nagsimula na noong Abril 13, 2025.'Ito po ang inyong pagkakataon na makilahok sa kinabukasan ng ating bayan. Ngayon, mas madali na ang...

TIMELINE: Ang pagpili ng ika-267 Santo Papa ng Simbahang Katolika

Pormal nang nagsimula ang muling pagpili ng Simbahang Katolika para sa susunod na Santo Papa na siyang nakatakdang mamuno sa bilyong Katoliko mula sa iba’t ibang panig ng mundo.Nagsimula ang Papal Conclave noong Miyerkules Mayo 7, 2025 kung saan ikinulong ang 133 cardinal sa loob ng Sistine Chapel upang isagawa ang kanilang eleksyon para sa susunod na Santo Papa, kasunod ng pagpanaw ni Pope...

'Kapanalunan ng DuterTEN, kapanalunan para kay Tatay Digong!'—Sen. Bong Go

Ipinagdiinan ng re-electionist na si Sen. Bong Go na ang pagboto nang straight sa mga senador na kabilang sa 'DuterTEN' ng PDP-Laban ay pagpanalo rin para kay dating Pangulong Rodrigo Duterte sa nalalapit na halalan sa Lunes, Mayo 12.Sa panayam ng SMNI kay Go sa Miting De Avance ng partido sa Liwasang Bonifacio sa Maynila, pinaalalahanan ng senador ang mga botante na alalahanin ang mga...