Kerwin Espinosa, pinapa-disqualify ni Lucy Torres-Gomez

By Richard De Leon

May 07, 2025

In BALITA Eleksyon

Naghain ng disqualification case sa Commission on Elections (Comelec) ang kasalukuyang mayor ng Ormoc City na si Lucy Torres-Gomez laban kay Albuera mayoral candidate Rolan “Kerwin" Espinosa noong Martes, Mayo 6, 2025.

Ang DQ case ay nag-ugat sa umano'y paglabag ni Espinosa sa Section 68 (e) na may kaugnayan sa Section 261 (e) ng Omnibus Election Code, tungkol sa "threats, intimidation, terrorism, use of fraudulent device or other forms of coercion."

Noong Abril 30, hinamon ni Espinosa ang mister ni Torres-Gomez na si Leyte 4th District Rep. Richard Gomez na magsagawa sila ng "gun fight."

Matatandaang kinuwestyon ni Espinosa kung bakit may mga pulis mula sa Ormoc nang magsagawa siya ng pangangampanya at mabaril.

KAUGNAY NA BALITA: Kerwin Espinosa, binaril habang nangangampanya sa Leyte

Patutsada naman ni Gomez, hindi raw marunong umarte si Espinosa at halatang "scripted" lamang ang lahat.

Paniwala ni Espinosa, may kinalaman umano sa politika ang dahilan ng pamamaril sa kaniya.

Katunggali ni Espinosa pagka-mayor ng Albuera si Leyte Board Member Vince Rama, na asawa ni Karen Torres, na kapatid naman daw ni Lucy.

KAUGNAY NA BALITA: Resbak ni Kerwin kay Cong. Richard: 'Di naman ako tulad sa kaniya na artista!'

Ipe, suportado ng mag-inang Honeylet, Kitty

Hinikayat ng mag-inang Honeylet Avanceña at Veronica 'Kitty' Duterte ang mga botante na iboto sa darating na halalan ang action star at senatorial aspirant na si Philip Salvador, na nasa ilalim ng Partido Demokratiko Pilipino–Lakas ng Bayan (PDP-Laban).Sa maiksing video clip na ibinahagi ng PDP-Laban, makikitang kasama ni 'Mr. Ipektibo' ang mag-ina ni dating Pangulong...

'Batas para sa mahirap' ipapanukala ni Willie Revillame 'pag naging senador

Diretsahang natanong ni Asia's King of Talk Boy Abunda si TV host-senatorial candidate Willie Revillame kung anong batas ang naiisip niya ipanukala kapag nanalo siya sa Senado.Sumalang sa panayam ni Boy si Willie na mapapanood sa social media page ng huli, na umere ng Miyerkules ng gabi, Mayo 7.Bago ang aktuwal na tanong ay naisalaysay muna ni Willie na galing siya sa hirap at lumaki siyang...

Kahit si FPRRD: Willie Revillame, matagal nang hinihikayat sumabak sa politika

Sumabak sa one-on-one interview ang TV host at senatorial aspirant na si Willie Revillame kay Asia's King of Talk Boy Abunda, upang uriratin kung bakit siya pumasok sa politika.Diretsahang tanong ni Boy ay kung bakit siya pumasok sa public service.Sagot ni Willie na nauna na niyang nasabi noon sa mga panayam sa kaniya, matagal nang may humihikayat sa kaniyang pasukin ang politika, kahit pa...