Ilang araw bago ang eleksyon, voting center sa Abra, nasunog!

By Kate Garcia

May 07, 2025

In BALITA Eleksyon

Tinupok ang apoy ang voting center sa Dangdangla Elementary School sa Bangued, Abra, nitong Miyerkules ng umaga, Mayo 7, 2025.

Isa ang naturang paaralan sa mga voting center sa nasabing lugar kung saan tinatayang 70 umano ng mga classroom ang natupok ng apoy.

Sa panayam ng media kay Commission on Elections (Comelec) Chairman George Erwin Garcia nitong Miyerkules, wala pang Automated Counting Machines (ACMs) na naipadala sa nasabing paaralan nang mangyari ang aksidente at itutuloy pa rin umano ang pagdaraos ng eleksyon dito.

“Hindi tayo lilipat ng polling place, hinding-hindi namin ililipat ng polling place. Magtatayo kami ng makeshift doon sa lugar na yan. May natirang 2 classrooms, tutal isang presinto lang naman ang involved. Huwag po kayong mag-aalala diyan pa rin po kayo boboto,” ani Garcia.

Batay sa datos ng komisyon, mayroong 188,957 na registered voters sa buong Abra, 35, 227 sa kanila ang nagmula sa Bangued. Habang mayroong 24 voting center sa nasabing bayan na binubuo naman ng clustered precincts.

Siniguro din ni Garcia ang pagdadagdag umano ng mga seguridad sa Bangued sa papalapit na eleksyon sa Mayo 12.

“Kahit na sunugin nyo ng sunugin yan mga eskwelahan, diyan pa rin kami magho-hold ng botohan. Nakakagalit, bakit? Sa mga bata po yang paaralan eh…ano pa magiging konklusyon ng ordinaryong botante…Ginagarantiya natin sa area sa Bangued, Abra, huwag po kayong matatakot..we will increase the presence of our security personnel,” anang Comelec chairman.

Ipe, suportado ng mag-inang Honeylet, Kitty

Hinikayat ng mag-inang Honeylet Avanceña at Veronica 'Kitty' Duterte ang mga botante na iboto sa darating na halalan ang action star at senatorial aspirant na si Philip Salvador, na nasa ilalim ng Partido Demokratiko Pilipino–Lakas ng Bayan (PDP-Laban).Sa maiksing video clip na ibinahagi ng PDP-Laban, makikitang kasama ni 'Mr. Ipektibo' ang mag-ina ni dating Pangulong...

'Batas para sa mahirap' ipapanukala ni Willie Revillame 'pag naging senador

Diretsahang natanong ni Asia's King of Talk Boy Abunda si TV host-senatorial candidate Willie Revillame kung anong batas ang naiisip niya ipanukala kapag nanalo siya sa Senado.Sumalang sa panayam ni Boy si Willie na mapapanood sa social media page ng huli, na umere ng Miyerkules ng gabi, Mayo 7.Bago ang aktuwal na tanong ay naisalaysay muna ni Willie na galing siya sa hirap at lumaki siyang...

Kahit si FPRRD: Willie Revillame, matagal nang hinihikayat sumabak sa politika

Sumabak sa one-on-one interview ang TV host at senatorial aspirant na si Willie Revillame kay Asia's King of Talk Boy Abunda, upang uriratin kung bakit siya pumasok sa politika.Diretsahang tanong ni Boy ay kung bakit siya pumasok sa public service.Sagot ni Willie na nauna na niyang nasabi noon sa mga panayam sa kaniya, matagal nang may humihikayat sa kaniyang pasukin ang politika, kahit pa...