Giit ng CBCP: Conclave, 'di political activity

By Ralph Mendoza

May 07, 2025

In BALITA

Binigyang-diin ni Catholic Bishops' Conference of the Philippines (CBCP) Executive Secretary Fr. Jerome Secillano na ang conclave ay hindi isang politikal na gawain.

Tila inihahalintulad kasi ng ilan sa papalapit ding 2025 midterm elections ang pagpili sa bagong Santo Papa dahil sa pangangalkal ng mga isyu tulad ng pagiging kimi umano ni Cardinal Luis Antonio Tagle sa isyu ng sekswal na pang-aabuso ng kaparian sa kani-kanilang simbahan.

MAKI-BALITA: Cardinal Tagle, wala raw nagawa sa isyu ng ‘pang-aabuso’ ng mga pari; CBCP, dumipensa!

Isa si Tagle sa mga matutunog na pangalan ng mga Cardinal na nakikitaan ng potensyal na maging susunod na pinuno ng Simbahang Katolika matapos ang pagpanaw ni Pope Francis noong Abril 21.

MAKI-BALITA: CBCP, umapela sa publiko; Cardinal Tagle, 'wag ipangampanya bilang Santo Papa'

BASAHIN: Pope Francis, pumanaw na sa edad na 88

Kaya sa latest episode ng “Morning Matters” nitong Miyerkules, Mayo 7, sinabi ni Secillano na bagama’t may politika umano ang conclave, nananaig pa rin ang kalikasan nito bilang isang spiritual activity.

“Ang conclave hindi naman ‘yan political activity. Mayro’n sigurong politics ‘yan but in itself, hindi political activity. I even call it spiritual activity,” saad ni Secillano.

Dagdag pa niya, “Hindi natin puwedeng tingnan sa lente na dapat mayro’ng ganitong mga paglalahad ng kung ano-anong allegations. [...] Parang talagang ginawa na natin ‘to masyadong secular ang dating.”

Kaya naman umaasa si Secillano na sa pamamagitan ng media ay matigil ang pagbanggit sa mga alegasyon na may kinalaman sa pagkatao ng mga susunod na Santo Papa.

Ipe, suportado ng mag-inang Honeylet, Kitty

Hinikayat ng mag-inang Honeylet Avanceña at Veronica 'Kitty' Duterte ang mga botante na iboto sa darating na halalan ang action star at senatorial aspirant na si Philip Salvador, na nasa ilalim ng Partido Demokratiko Pilipino–Lakas ng Bayan (PDP-Laban).Sa maiksing video clip na ibinahagi ng PDP-Laban, makikitang kasama ni 'Mr. Ipektibo' ang mag-ina ni dating Pangulong...

'Batas para sa mahirap' ipapanukala ni Willie Revillame 'pag naging senador

Diretsahang natanong ni Asia's King of Talk Boy Abunda si TV host-senatorial candidate Willie Revillame kung anong batas ang naiisip niya ipanukala kapag nanalo siya sa Senado.Sumalang sa panayam ni Boy si Willie na mapapanood sa social media page ng huli, na umere ng Miyerkules ng gabi, Mayo 7.Bago ang aktuwal na tanong ay naisalaysay muna ni Willie na galing siya sa hirap at lumaki siyang...

Kahit si FPRRD: Willie Revillame, matagal nang hinihikayat sumabak sa politika

Sumabak sa one-on-one interview ang TV host at senatorial aspirant na si Willie Revillame kay Asia's King of Talk Boy Abunda, upang uriratin kung bakit siya pumasok sa politika.Diretsahang tanong ni Boy ay kung bakit siya pumasok sa public service.Sagot ni Willie na nauna na niyang nasabi noon sa mga panayam sa kaniya, matagal nang may humihikayat sa kaniyang pasukin ang politika, kahit pa...