31,000 inmates, nakatakdang bumoto sa eleksyon—BJMP

By Kate Garcia

May 07, 2025

In BALITA Eleksyon

Inihayag ng Bureau of Jail Management and Penology (BJMP) na tanging 31,000 lamang na persons deprived of liberty (PDL) ang makakaboto sa darating na halalan sa Mayo 12, 2025.

Tinatayang nasa 115,000 ang bilang ng PDLs sa bansa.

Sa panayam ng People’s Television Network (PTV) kay BJMP spokesperson Jail Superintendent Jayrex Bustinera, ipinaliwanag niya kung bakit makakaboto ang nasabing bilang ng inmates.

“Sila ay mga newly-commit o mga bagong kulong pa lamang at hindi nakapagparehistro kung saan ang location ng aming kulungan,” ani Bustinera.

Dagdag pa niya, “Ang mga nakakulong sa BJMP ay mga nililitis pa. Ibig sabihin, presumed innocent until proven guilty otherwise at ang karapatan nilang bumoto or their right to suffrage ay intact pa din.”

Paliwanag pa niya, pawang mga paso na raw o ‘di naman kaya ay hindi pa rehistrado sa Commission on Elections (Comelec) ang natitirang 80,000 na inmates na hindi makakaboto sa paparating na eleksyon.

Nabanggit din ni Bustinera ang magiging sistema raw nang pagboto ng mga PDLs.

“Ibig sabihin po, doon na sila sa loob ng kulungan boboto at mayroon nasa 1,000 na PDL na dadalhin sa labas, sa mga community polling precinct. Welcome po yung mga observers, watchers sa loob ng kulungan. Subject to inspection lang ito bago pumasok ng jail,” aniya.

Ipe, suportado ng mag-inang Honeylet, Kitty

Hinikayat ng mag-inang Honeylet Avanceña at Veronica 'Kitty' Duterte ang mga botante na iboto sa darating na halalan ang action star at senatorial aspirant na si Philip Salvador, na nasa ilalim ng Partido Demokratiko Pilipino–Lakas ng Bayan (PDP-Laban).Sa maiksing video clip na ibinahagi ng PDP-Laban, makikitang kasama ni 'Mr. Ipektibo' ang mag-ina ni dating Pangulong...

'Batas para sa mahirap' ipapanukala ni Willie Revillame 'pag naging senador

Diretsahang natanong ni Asia's King of Talk Boy Abunda si TV host-senatorial candidate Willie Revillame kung anong batas ang naiisip niya ipanukala kapag nanalo siya sa Senado.Sumalang sa panayam ni Boy si Willie na mapapanood sa social media page ng huli, na umere ng Miyerkules ng gabi, Mayo 7.Bago ang aktuwal na tanong ay naisalaysay muna ni Willie na galing siya sa hirap at lumaki siyang...

Kahit si FPRRD: Willie Revillame, matagal nang hinihikayat sumabak sa politika

Sumabak sa one-on-one interview ang TV host at senatorial aspirant na si Willie Revillame kay Asia's King of Talk Boy Abunda, upang uriratin kung bakit siya pumasok sa politika.Diretsahang tanong ni Boy ay kung bakit siya pumasok sa public service.Sagot ni Willie na nauna na niyang nasabi noon sa mga panayam sa kaniya, matagal nang may humihikayat sa kaniyang pasukin ang politika, kahit pa...