Siniguro ng National Capital Region Police Office (NCRPO) sa publiko na iniimbestigahan na nila ang nangyaring panghoholdap ng riding in tandem sa ilang customers sa isang restaurant sa Makati City noong Linggo, Mayo 4, 2025.
Sa kanilang opisyal na pahayag nitong Lunes, Mayo 5, inihayag ng NCRPO na patuloy umano ang kanilang imbestigasyon sa mga witness, CCTV footage at biktima hinggil sa nangyaring holdapan.
"NCRPO, through Southern Police District, is meticulously conducting an investigation on the incident, reviewing CCTV footage and interviewing victims and witnesses to determine the facts and circumstances surrounding the incident," anila.
Lumalabas din sa inisyal na imbestigasyon na nagawa pa raw ibalik ng mga holdaper ang mga ninakaw na gamit ng mga biktima, maliban sa isang wallet na naglalaman ng ₱25,000.
Pangalan ni Mayor Joy Belmonte, ginagamit sa panggagantso
"Initial probe revealed that motorcycle-riding suspects initially robbed diners of their valuables but in a very puzzling turn of events, suspected robbers subsequently returned majority of the stolen items, except a wallet containing " saad ng NCRPO.
Hinikayat na rin ng NCRPO na na magsampa na raw ng pormal na kaso ang mga biktima at siniguro ang publiko na reresolbahin ang insidente.
"We will dig deeper on this incident, abhorring speculation until the final findings are reached. We assure the public that this case is being handled with dispatch and careful assessment of facts," anang NCRPO.
