PUV drivers, isasailalim sa mandatory drug test —DOTr

By Ralph Mendoza

May 05, 2025

In BALITA National

Inanunsiyo ni Department of Transportation (DOTr) Secretary Vince Dizon ang pagsailalim ng public utility vehicle (PUV) drivers sa mandatory testing.

Sa isinagawang press conference nitong Lunes, Mayo 5, sinabi ni Dizon na makikipatulungan umano ang DOTr, Land Transportation Office (LTO), at Land Transportation Franchising and Regulatory Board (LTFRB) sa Philippine Drug Enforcement Agency (PDEA) sa pagpapatupad ng nasabing kautusan.

"Today, I will sign a department order, ordering mandatory drug testing for all drivers of public conveyance vehicles," saad ni Dizon.

Dagdag pa niya, "Kailangan may karelyebo. Kung ang byahe ay mas mahaba sa apat na oras, mandated ang bus company na maglagay ng relyebo. Hindi konduktor.”

Ayon kasi sa kalihim, ginagawa raw karelyebo ng drayber ang konduktor nito.

“Hindi po pupwede na ‘yon,” aniya.

Isasagawa ang drug testing sa mga PUV driver kada 90 araw sa oras na mapirmahan ni Dizon ang nasabing kautusan.

Matatandaang tuluyan nang pinatawan ng 30 araw na suspensyon ang lahat ng operasyon ng Solid North habang patuloy na gumugulong ang imbestigasyon matapos ang SCTEX road crash na kumitil ng walong buhay.

KAUGNAY NA BALITA: Resulta ng SCTEX road crash: Lahat ng bus units ng Solid North, tuluyang sinuspinde ng DOTr

KAUGNAY NA BALITA: Mga biktima sa ‘SCTEX road crash,’ mga papuntang bakasyon at children’s camp

Eastern Police District, nakaantabay na sa pagbubukas ng klase sa June 16

Nasa 535 tauhan ng Eastern Police District (EPD) ang nakaantabay na upang magbigay seguridad sa nakatakdang pagbubukas ng klase sa mga pampublikong paaralan sa eastern metro sa Lunes, Hunyo 16.Ayon kay EPD Director PBGEN Aden Lagradante, ang mga naturang pulis ang titiyak sa kaligtasan at kaayusan sa Metro East at siya ring tutulong sa mga estudyante, mga magulang at mga guro sa pagbubukas ng...

Pasaherong PWD pinagbubugbog, sinakal sa loob ng bus

Pinag-uusapan ngayon sa social media ang isang video kung saan pinagbubugbog, pinagsisipa, at sinakal ang isang umano'y lalaking person with disability (PWD) habang nasa loob ng isang bus na bumabagtas sa kahabaan sa EDSA.Sa isang 1:30 minutong video na ipinost noong Hunyo 10 sa social media, makikitang nakaupo ang umano'y PWD, na nakasuot ng puting damit, sa pinakalikod ng bus habang...

‘Guilty na, pinagmulta pa?’ Cebu Gov. Gwen Garcia, ‘bingo’ sa Ombudsman!

Pinatawan ng guilty of indirect contempt si outgoing Cebu Governor Gwendolyn Garcia matapos siyang hindi bumaba sa puwesto noong siya ay sinuspinde ng Ombudsman.Bukod sa pagiging guilty, pinagmumulta rin ng Ombudsman si Garcia ng tinatayang ₱30,000 matapos ang hindi niya pagsunod sa ipinataw sa kaniyang preventive suspension order noong Abril 23, 2025.“Wherefore, for defying the Preventive...