Bollard sa NAIA, pinutakti ng netizen: 'Corruption kills!'

By Kate Garcia

May 05, 2025

In BALITA

Usap-usapan sa social media ang larawan ng nasirang bollard matapos salpukin ng SUV na kumitil ng dalawang katao sa Ninoy Aquino International Airport (NAIA) Terminal 1 noong Linggo, Mayo 4, 2025.

Batay sa mga aktwal na larawang nagkalat sa social media, makikitang mababaw lang umano ang pagkakalubog nito, dahilan upang mabuwag ito.

Ayon sa mga eksperto, ang bollard ay inilalagay bilang barikada sa mga parking lot at sidewalks ng pedestrian upang magsilbing proteksyon sa aksidente. Kung tama at maayos ang pagkakakabit nito sa lupa, maaari nitong mapigilan ang pagsalpok ng isang sasakyan.

Bunsod nito, inulan ng samu't saring reaksyon ang nasabing larawan na nagpapakita umano ng palpak na imprastraktura ng gobyerno.

"Pati ba naman sa bollard, tinipid pa rin?"

"Proyekto 'yan ni FPRRD, kinorap nang malala!"

"Tatak Duterte!"

"Life saver kung inayos!"

"Sisihin ang driver, singilin ang gobyerno!"

"Wake-up call na dapat ito!"

Wala pang inilalabas na pahayag ang pamunuan ng NAIA hinggil sa nasabing isyu, ngunit nauna na nilang igiit na nakahanda umano silang sagutin ang lahat ng danyos ng mga naapektuhang biktima dulot ng aksidente.

KAUGNAY NA BALITA: Gastos ng mga biktima ng SUV na nang-araro sa NAIA, sasagutin ng San Miguel Corp.

Rowena Guanzon binarda si Princess Abante: 'Nag-explain ka pa beh'

Binarda ni dating Comelec Commissioner Rowena Guanzon si House Spokesperson Atty. Princess Abante sa pagdepensa nito sa mga paayuda ni House Speaker Martin Romualdez sa mga mahihirap na Pilipino.'Nag-explain ka pa beh, yung boss amo mo ay pinagsamang tambaloslos na kawatan,' patutsada ni Guanzon sa kaniyang Facebook post noong Biyernes, Hunyo 13.Matatandaang sa video statement na...

9-anyos na bata, patay sa rabies; aso, kinatay at kinain pa ng 30 katao

Patay ang isang 9 na taong gulang na batang lalaki matapos makagat ng isang ligaw na aso sa Malapatan, Sarangani.Ayon sa mga ulat, iisang shot lamang ng anti-rabies ang naibigay sa bata dahil sa mabilis na pagkalat ng rabies sa kaniyang katawan.Noong Hunyo 9, 2025 daw nagsimulang makitaan ng sintomas ng rabies ang bata kung kaya't kaagad siyang nilapatan ng anti-rabies vaccine, ngunit matapos...

Kompanya ng bus na tila nagkakarera, dedma sa LTO; viral video, edited lang daw!

Nanindigan ang kompanyang G.V Flordida na wala umanong nilabag na batas-trapiko ang anim nilang bus units na nag-viral kamakailan matapos makuhanang nagkakarera sa kahabaan ng Maharlika highway sa Isabela.KAUGNAY NA BALITA: 'Amazing race?' 15 bus ng isang bus company, suspendido dahil sa 'karera'Ayon sa tatlong pahinang paliwanagisinumite ng G.V Florida sa Land Transportation...