Netizens nanimbang sa nakaambang buwis sa freelancers, digital workers

By Richard De Leon

May 04, 2025

In FEATURES Human-Interest

Ilang mga netizen ang nagbigay ng kani-kanilang pananaw patungkol sa implementasyon ng "digital taxes" sa mga digital platforms na nagbibigay ng "digital services" simula sa Hunyo 1, 2025.

Matatandaang nilagdaan ni Pangulong Ferdinand "Bongbong" Marcos, Jr. ang Republic Act No. 12023 o "Value Added Tax (VAT) on Digital Services Law" noong Oktubre 2, 2024 na nagpapataw ng 12% VAT sa iba't ibang digital services, kabilang ang online streaming platforms, online games, freelancing, at iba pang foreign tech firms na nagbibigay ng digital service sa bansa.

Sa official website ng digital distribution service na Steam, makikitang kabilang ang Pilipinas sa listahan ng "To Be Collected in the Future" kasama ang Estonia. Ang United Arab Emirates (UAE), Austria, Australia, Belgium, Czech Republic, at iba pang bansa ay nauna nang nagkaroon nito.

Samantala, mababasa naman sa Facebook page na "Speak Up Pilipinas" ang ilan sa mga reaksiyon at komento ng netizens tungkol dito, batay sa post.

Mababasa sa post, "Freelancers, digital workers—guess what? You’re the newest target."

"RA 12023, signed by PBBM, adds 12% VAT on digital services starting June 1, 2025. Upwork fees? Tumaas. Fiverr? Tumaas. Freelancers' income? Bawas na naman. This ain’t tax reform. It’s a lazy cash grab."

Ayon pa sa post, nasa higit 1.5 milyong Pinoy freelancers umano ay online workers ayon sa datos ng Department of Information and Communications Technology (DICT) simula pa noong 2023. Karamihan daw ay kumikita ng ₱30,000 kada buwan at walang benepisyong nakukuha. Sinabi rin daw ng World Bank na nakatulong ang digital freelancing sa "bridge poverty gaps" lalo na noong pandemya.

"Pero anong ginawa? Instead of support—tax agad!" mababasa pa sa post.

Dagdag pa, "Meanwhile, smuggled rice? Billions lost. Gov’t underspending? Trillions left idle. Pero yung freelancers, may paningil agad. Approval rating bagsak. Election palapit. And now they’re taxing the quietest sector—akala siguro walang kokontra."

"We see you. And no, this isn’t 'para sa bayan.' This is panic disguised as policy," mababasa pa.

Photo courtesy: Screenshot from Speak Up Pilipinas (FB)

Umani naman ito ng iba't ibang reaksiyon at komento mula sa netizens.

"Madami din kasi freelancers naflex ng flex sa social media ng accomplishments nila. Dapat kasi quiet lang talaga lalo pag income kasi nakamasid ang bir at gubyerno. Always wanting a share of the pie. Tarantado pa naman gubyerno natin."

"Mahirap e.explain kung magsaya or malungkot ba tayo sa balitang ito.. Ikaw kababayan, anong masasabi mo dito?"

"Tax na naman hahaha tapos mababalitaan mo mapupunta lang sa korapsyon hahaha."

"KAILAN KAYA MAGING OK ANG PINAS"

"Maawa naman kayo sa freelancers, wala na ngang benefits eh..."

KAUGNAY NA BALITA: Digital taxes sa video games, magsisimula nang ipataw sa Hunyo

JIL Church, nag-endorso ng 5 senatorial candidates

Ilang araw bago ang May 2025 elections, nag-endorso ng limang kandidato sa pagkasenador ang religious group na Jesus Is Lord Church Worldwide (JILCW).“After much prayer, fasting, and study, JIL Worldwide's Executive Selection Committee for the 2025 Midterm Elections has concluded its initial deliberations and has shortlisted senatorial candidates for endorsement,” anang JILCW sa isang...

Vice Ganda, inendorso na si Kiko Pangilinan

Naghayag na rin ng suporta si Unkabogable Star at “It’s Showtime” host Vice Ganda sa kandidatura ni Atty. Kiko Pangilinan.Sa latest Facebook post kasi ni Vice nitong Linggo, Mayo 4, inendorso niya si Kiko sa pamamagitan ng isang maikling video.“Di pwedeng mawala sa Top 12 ang TAPAT at TOTOO,” saad ni Vice sa caption.Umani naman ito ng samu’t saring reaksiyon mula sa mga netizen. Narito...

Suspek sa SCTEX road crash, negatibo sa drug test; lahat ng driver ng Solid North, ipapa-drug test din!

Negatibo sa drug test ang driver ng bus na umararo sa ilang sasakyan sa SCTEX at kumitil ng 10 katao noong Mayo 1, 2025.KAUGNAY NA BALITA: Nakatulog na driver ng bus, inararo mga sasakyan sa SCTEX, 10 patay!Kasunod nito, nakatakda na rin umanong isailalim sa drug test ang lahat ng driver ng Solid North—ang bus company na sangkot sa nasabing aksidente. Sa panayam ng media kay Dizon nitong...