'Maghahatid lang:' Ama ng nasawing bata sa NAIA, OFW na paalis na ng bansa

By Kate Garcia

May 04, 2025

In BALITA

Inihayag ni Department of Transportation (DOTr) Secretary Vince Dizon na kumpirmadong isang Overseas Filipino Worker (OFW) ang ama ng apat na taong gulang na nasawi sa pagbangga ng isang SUV sa departure area ng Ninoy Aquino International Airport (NAIA) Terminal 1 nitong Linggo, Mayo 4, 2025.

KAUGNAY NA BALITA: 4 na taong gulang na bata kabilang sa nasawing inararo ng SUV sa NAIA

Ayon kay Dizon, ihahatid lang sana ng mga biktima ang kanilang padre de pamilya na patungo na raw sa ibang bansa nang mangyari ang aksidente.

"Unang-una, nakakalungkot talaga yung nangyari ngayon. Lalong-lalo na sa OFW na namatayan ng anak n'ya ngayon. Masakit, masakit. Kausap ko yung father kanina. OFW siya, ihahatid lang siya ng pamilya n'ya, tapos ito yung nangyari," anang DOTr Secretary.

Samantala, sa hiwalay na ulat ng isang lokal na pahayagan, kabilang din umano ang ina ng nasawing biktima sa mga sugatan na kasalukuyang nasa San Juan De Dios Hospital.

Ayon pa sa mga ulat, sinasabing nagkamali umano ng tapak sa silinyador ang suspek na sa halip na preno ang kaniyang tatapakan. Kasalukuyan na ring nasa kustodiya ng pulisya ang driver habang gumugulong ang imbestigasyon ng mga awtoridad.

KAUGNAY NA BALITA: SUV, inararo departure entrance sa NAIA; driver, timbog!

Ito ay isang developing story.

Dating sa sine lang: Subway, pangako ni PBBM bago matapos sa puwesto!

Ipinangako ni Pangulong Ferdinand 'Bongbong' Marcos, Jr. na bago matapos ang termino niya bilang Pangulo, magiging operational muna ang subway sa Pilipinas.Sinabi niya ito sa isinagawang campaign sortie ng Alyansa Para sa Bagong Pilipinas na ginanap sa Batangas City Sports Coliseum, Batangas City, Batangas.'Bago po ako matapos bilang Pangulo, magkakaroon na tayo ng subway dito sa...

ALAMIN: 3 red flags sa mga kandidato

Ano-ano nga ba ang ilang red flags sa mga kandidato ngayong darating na 2025 midterm elections?Sa latest episode ng “KC After Hours” noong Sabado, Mayo 3, sumalang sina EON Group CEO Malyn Molina at political strategist Alan German upang talakayin ang eleksyon sa kabuuan.Isa sa mga nahagip ng kanilang usapan ay ang mga maituturing na warning sign kung bakit hindi dapat iboto ang isang...

Cardinal Tagle, wala raw nagawa sa isyu ng ‘pang-aabuso’ ng mga pari; CBCP, dumipensa!

Dumipensa ang Catholic Bishops Conference of the Philippines (CBCP) sa mga alegasyong wala umanong nagawa si Cardinal Luis Antonio Tagle sa mga umano’y sekswal na pang-aabuso ng kaparian sa kani-kanilang simbahan,Sa isang Facebook post noong Sabado, Mayo 3, 2025, iginiit nilang nagkaroon umano ng partisipasyon si Tagle sa mga panukalang kanilang ikinasa noon upang matugunan ang mga isyung...