PRO-11, pinabulaanang nagkaroon ng raid sa bahay ni FPRRD sa Davao-Balita

PRO-11, pinabulaanang nagkaroon ng raid sa bahay ni FPRRD sa Davao

Inihayag ng Police Regional Office-11 ang plano nilang magsagawa ng legal na aksyon laban sa mga nagpapakalat daw ng maling impormasyon hinggil sa umano'y pag-raid ng pulisya sa tahanan ni dating Pangulong Rodrigo Duterte, na nasa kustodiya ngayon ng International Criminal Court (ICC) sa The Hague, Netherlands dahil sa kasong krimen laban sa sangkatauhan.

Ayon kay PRO-11 Director Police Brig. Gen. Leon Victor Rosete na walang naka-iskedyul na operasyon ng alinmang law enforcement unit sa tahanan ni Duterte sa Davao City.

Sinabi rin ni Rosete na walang korte na naglabas ng anumang search warrant laban sa mga ari-arian na nauugnay sa pamilya Duterte.

"Nakipag-ugnayan kami sa CIDG at SAF, at kinumpirma na wala silang ongoing operations na na nauugnay sa tirahan ng dating pangulo. Naberipika ito bilang maling impormasyon," ani Rosete sa lokal na diyalekto.

Dagdag ni Rosete, nagsasagawa ang mga awtoridad ng karagdagang imbestigasyon hinggil sa usapin.

Nagtipon-tipon ang mga tagasuporta sa labas ng bahay ni Duterte, kung saan sinuri rin ng ilan sa mga ito ang mga bahay ng kaniyang pamilya kasunod ng mga ulat tungkol sa umano’y isang search warrant na inilabas noong Miyerkules, Abril 30.

Kinondena ni Davao City first district Rep. Paolo Duterte ang umano'y harassment ng Philippine National Police-Criminal Investigation and Detection Group (PNP-CIDG) laban sa kaniyang pamilya.

Hindi siya nagbigay ng mga tiyak na detalye tungkol sa diumano'y harassment.

Iginiit ng mambabatas na nag-deploy ang pamahalaan ng pwersa ng pulisya sa Davao City, kabilang daw ang 30 operatiba ng CIDG at 90 miyembro ng Special Action Force (SAF) mula sa Luzon.

Ayon pa sa mambabatas, dinodokumento raw nila ang lahat ng mga pangyayari at nililista ang pangalan ng mga sangkot sa naturang pangha-harrass daw sa kanilang pamilya.

MAKI-BALITA: Pulong Duterte, kinondena umano’y ‘harrassment’ ng PNP-CIDG sa pamilya nila

Sinabi naman ni PNP spokesperson Police Brig. Gen. Jean Fajardo sa isang press briefing sa Camp Crame, Quezon City noong Huwebes, Mayo 1, na pinabubulaanan ni CIDG Director Police Major Gen. Nicolas Torre III na may ongoing operation sa Davao City.

- Ivy Tejano

Vice Ganda, suportado kandidatura ni Benhur Abalos

Nadagdagan na naman ng suporta ang kandidatura ni dating Department of Interior and Local Government (DILG) Secretary Benhur Abalos bilang senador. Sa latest Facebook post kasi ni Unkabogable Star Vice Ganda nitong Sabado, Mayo 3, inihayag niya ang suporta kay Abalos sa pamamagitan ng maikling video.“Kesa naman ‘yong mga walang kuwenta ang pumasok sa Top 12, dito na ako #1 Abalos, Benhur,”...

Makabayan sa mga huling araw ng kampanya: 'Bigkisan natin ang lakas ng nakikibakang sambayanan'

Nanawagan ang campagin manager ng Makabayan bloc na si Renato Reyes sa mga tagasuporta ng koalisayon na paigtingin pang lalo ang pangangampanya bago dumating ang nalalapit na 2025 midterm elections.Sa isang Facebook post ng Makabayan noong Sabado, Mayo 2, hinimok ni Reyes ang mga tagasuportang bigkisin ang lakas ng nakikibakang sambayanan.“Sa huling mga araw ng kampanya, bigkisin natin ang lakas...

Kung walang farmer, walang teacher—Pangilinan

Nagbigay ng pahayag si senatorial aspirant Atty. Kiko Pangilinan hinggil sa halaga ng mga magsasaka sa isang bansa.Sa latest episode ng “Showbiz Updates” ni Ogie Diaz kamakailan, binanggit ni Pangilinan na hindi magkakaroon ng mga gurong lumilikha ng iba’t ibang propesyon kung wala ang mga magsasakang nagsusuplay ng pagkain. Aniya, “Sabi nga ng isa, importante ang pagiging teacher. Noble...