Kiko Pangilinan, inendorso ng MILF political party

By Mary Joy Salcedo

May 03, 2025

In BALITA Eleksyon

Inendorso ng United Bangsamoro Justice Party (UBJP), ang official political party ng Moro Islamic Liberation Front (MILF), si senatorial candidate Kiko Pangilinan para sa 2025 midterm elections.

Nitong Biyernes, Mayo 2, nang ibahagi ni Pangilinan sa isang X post ang pagbisita niya kasama ang maybahay na si Mega Star Sharon Cuneta sa Sultan Kudarat, Maguindanao del Norte.

Natanggap ng senatotial candidate ang endorso nina MILF Chairman Ahod "Alhaj Murad" Ebrahim, MILF Vice Chairman Mohagher M. Iqbal, Shiek Ali B. Solaiman (Second Vice Chairman), Shiek Muslim M. Guiamaden (Wali of Bangsamoro), at Abdulrauf A. Macacua (BARMM Interim Chief Minister) sa isinagawang Central Committee meeting ng MILF sa Camp Darapanan.

Sa naturang post ay nagpasalamat si Pangilinan sa mainit daw na pagtanggap sa kanila ng MILF Central Committee sa Camp Darapanan, at ang opisyal na pag-endorso ng UBJP sa kaniya.

“First time makarating ni Sharon sa Bangsamoro Region kaya naman napaka-memorable ang pagkakataong ito na makasama ang ating mga kapatid sa Maguindanao at makilala ang mga opisyal ng MILF,” ani Pangilinan.

“Naniniwala tayong hindi pa tapos ang paglalakbay tungo sa kapayapaan. Kailangang ituloy at palalimin pa ang mga reporma at tagumpay na naumpisahan sa Bangsamoro, tungo sa isang makatarungan at masaganang kinabukasan para sa lahat.

“Maraming salamat po sa karangalanng maging bahagi ng inyong patuloy na pagkilos para sa kapayapaan at kaunlaran,” saad pa niya.

Nakatakdang isagawa ang 2025 midterm elections sa Mayo 12, 2025.

Vice Ganda, suportado kandidatura ni Benhur Abalos

Nadagdagan na naman ng suporta ang kandidatura ni dating Department of Interior and Local Government (DILG) Secretary Benhur Abalos bilang senador. Sa latest Facebook post kasi ni Unkabogable Star Vice Ganda nitong Sabado, Mayo 3, inihayag niya ang suporta kay Abalos sa pamamagitan ng maikling video.“Kesa naman ‘yong mga walang kuwenta ang pumasok sa Top 12, dito na ako #1 Abalos, Benhur,”...

Makabayan sa mga huling araw ng kampanya: 'Bigkisan natin ang lakas ng nakikibakang sambayanan'

Nanawagan ang campagin manager ng Makabayan bloc na si Renato Reyes sa mga tagasuporta ng koalisayon na paigtingin pang lalo ang pangangampanya bago dumating ang nalalapit na 2025 midterm elections.Sa isang Facebook post ng Makabayan noong Sabado, Mayo 2, hinimok ni Reyes ang mga tagasuportang bigkisin ang lakas ng nakikibakang sambayanan.“Sa huling mga araw ng kampanya, bigkisin natin ang lakas...

Kung walang farmer, walang teacher—Pangilinan

Nagbigay ng pahayag si senatorial aspirant Atty. Kiko Pangilinan hinggil sa halaga ng mga magsasaka sa isang bansa.Sa latest episode ng “Showbiz Updates” ni Ogie Diaz kamakailan, binanggit ni Pangilinan na hindi magkakaroon ng mga gurong lumilikha ng iba’t ibang propesyon kung wala ang mga magsasakang nagsusuplay ng pagkain. Aniya, “Sabi nga ng isa, importante ang pagiging teacher. Noble...