Comelec, pinabulaanang kailangan ng National ID para makaboto: ‘Hindi totoo!’

By Kate Garcia

May 03, 2025

In BALITA Eleksyon

Pinabulaanan ng Commission on Elections (Comelec) ang kumakalat umanong abiso na nagsasabing kinakailangan ng National ID upang makaboto sa National and Local Elections (NLE) sa Mayo 12, 2025.

Sa kanilang opisyal na Facebook page, nilinaw ng komisyon nitong Sabado, Mayo 3, na hindi totoo at hindi galing sa kanila ang pekeng abiso na may kaugnayan sa papalapit na halalan.

"Ang graphics na kumakalat ukol sa pagdala ng inyong National ID upang makaboto sa Mayo 12, 2025 National and Local Elections ay hindi totoo at hindi galing sa tanggapan ng Commission on Elections, at hindi ipinost sa official at verified social media channels ng Comelec sa alinmang social media platform," anang komisyon.

Nilinaw rin ng Comelec na kakailanganin lang daw ng botante na ipakita ang kanilang valid ID kung sakaling magkaroon ng problema ang kanilang pangalan sa Election Day Computerized Voters' List (EDCVL).

"Hihingan lang na magpakita ng valid ID ang botante kung sakaling hindi matiyak ang kaniyang pagkakakilanlan sa pamamagitan ng EDCVL," anang Comelec.

Vice Ganda, suportado kandidatura ni Benhur Abalos

Nadagdagan na naman ng suporta ang kandidatura ni dating Department of Interior and Local Government (DILG) Secretary Benhur Abalos bilang senador. Sa latest Facebook post kasi ni Unkabogable Star Vice Ganda nitong Sabado, Mayo 3, inihayag niya ang suporta kay Abalos sa pamamagitan ng maikling video.“Kesa naman ‘yong mga walang kuwenta ang pumasok sa Top 12, dito na ako #1 Abalos, Benhur,”...

Makabayan sa mga huling araw ng kampanya: 'Bigkisan natin ang lakas ng nakikibakang sambayanan'

Nanawagan ang campagin manager ng Makabayan bloc na si Renato Reyes sa mga tagasuporta ng koalisayon na paigtingin pang lalo ang pangangampanya bago dumating ang nalalapit na 2025 midterm elections.Sa isang Facebook post ng Makabayan noong Sabado, Mayo 2, hinimok ni Reyes ang mga tagasuportang bigkisin ang lakas ng nakikibakang sambayanan.“Sa huling mga araw ng kampanya, bigkisin natin ang lakas...

Kung walang farmer, walang teacher—Pangilinan

Nagbigay ng pahayag si senatorial aspirant Atty. Kiko Pangilinan hinggil sa halaga ng mga magsasaka sa isang bansa.Sa latest episode ng “Showbiz Updates” ni Ogie Diaz kamakailan, binanggit ni Pangilinan na hindi magkakaroon ng mga gurong lumilikha ng iba’t ibang propesyon kung wala ang mga magsasakang nagsusuplay ng pagkain. Aniya, “Sabi nga ng isa, importante ang pagiging teacher. Noble...