‘Wrong timing daw?’ Bentahan ng ₱20 na bigas, sinuspinde hanggang eleksyon

By Kate Garcia

May 02, 2025

In BALITA National

Inihayag ng Department of Agriculture na hahayaan na muna umano nilang matapos ang eleksyon sa Mayo 12, 2025, bago nila ituloy ang pagbebenta ng ₱20 na bigas sa merkado.

Sa panayam ng media kay Atty. Genevieve Velicaria-Guevarra, iginiit niya sa Mayo 13 na lamang daw nila ipagpapatuloy ang paglulunsad ng bentahan ng bigas sa nasabing halaga.

“After elections na po, May 13 to be exact, para po hindi na po tayo magkaroon pa ng anymore issues regarding on the implementation of the project. Because nga po mayroon po sinasabi nila na mayroon pong 10-day ban for ayuda,” ani Guevarra.

Dagdag pa niya, paraan din daw ito upang hindi na mapulitika ang nasabing programa.

“Kahit po yung DA yung magli-lead through kadiwa nga, is hindi po maging ma-politicize yung pagbibigay natin ng bigas,” aniya.

Matatandaang noong Labor Day, Mayo 1 nang ilunsad ng DA ang implementasyon ng bentahan ng ₱20 na bigas kung saan maaaring makabili ng hanggang 10 kilo ang lahat ng indigents, senior citizens, persons with disability (PWDs) at solo parents.

Mga kandidatong artista, di sinusuportahan ng kapwa artista dahil pangit ang ugali, sey ni Ogie Diaz

Sinagot ng showbiz insider na si Ogie Diaz kung 'bakit may mga tumatakbong artista, parang walang sumusuportang kapwa artista?''Ako na po ang sasagot: Pangit ang ugali no'n, salbahe, o kaya ay alam ng buong industriya na hindi makakatulong sa bayan. Kaya [kaysa] ikampanya sila para 'wag iboto, quiet na lang ang mga taga-industriya,' saad ni Ogie sa kaniyang Facebook...

Ogie Diaz, may payo sa publiko tungkol sa pagboto sa mga kandidatong artista

May payo sa publiko ang showbiz insider na si Ogie Diaz tungkol sa pagboto sa mga kumakandidatong artista, partikular sa mga tumatakbong senador, ngayong 2025 national and local elections.'Kung boboto kayo ng artista, check [ninyo] mabuti kung [may] mga nagawang mabuti sa bayan o may mga naipasang batas na pinakikinabangan ng bayan, lalo na yung mga tumatakbong senador,' saad ni Ogie sa...

19 lugar sa PH, makararanas ng ‘dangerous’ heat index sa Mayo 3

Inaasahang aabot sa “danger” level ang heat index sa 19 lugar sa bansa bukas ng Sabado, Mayo 3, ayon sa Philippine Atmospheric, Geophysical and Astronomical Services Administration (PAGASA).Sa tala ng PAGASA dakong 5:00 ng hapon nitong Biyernes, Mayo 2, inaasahang aabot sa danger level ang heat index sa mga sumusunod na lugar bukas:44°C - Baler, Aurora44°C - Iba, Zambales44°C - Sangley...