Sen. Imee, inireklamo 5 top gov’t officials na sangkot sa pag-aresto kay FPRRD

By Mary Joy Salcedo

May 02, 2025

In BALITA National

Personal na nagtungo si Senador Imee Marcos sa opisina ng Ombudsman upang paimbestigahan ang limang matataas na opisyal ng gobyernong sangkot sa naging pag-aresto kay dating Pangulong Rodrigo Duterte at pagdala sa kaniya sa International Criminal Court (ICC).

Nitong Biyernes, Mayo 2, nang ihain ni Marcos ang “Chairman’s Report” sa Ombudsman na nagrerekomenda ng criminal at administrative liabilities tulad ng graft, arbitrary detention, at grave misconduct sa limang top government officials kaugnay ng naging pag-aresto kay Duterte noong Marso 11, 2025.

Pinangalanan sa mga inireklamo ng senadora sina:

Justice Secretary Jesus Crispin Remulla;

Interior Secretary Jonvic Remulla;

Philippine National Police (PNP) Chief Gen. Rommel Marbil;

PNP-Criminal Investigation and Detection Group (CIDG) Chief Maj. Gen. Nicholas Torre, at

Special Envoy on Transnational Crimes Markus Lacanilao.

Habang sinusulat ito’y wala pa namang reaksyon o pahayag ang naturang mga opisyal sa reklamong inihain ng senadora.

Matatandaang noong Lunes, Abril 28, nang sabihin ni Marcos, chairperson ng Senate Commitee on Foreign Relations, na base raw sa kanilang imbestigasyon sa Senado, lumabas na “politically motivated” umano ang nangyaring pag-aresto kay Duterte.

Ayon pa sa senadora, planado umano ng administrasyon ang pag-aresto sa dating pangulo upang pabagsakin ang mga Duterte.

Matatandaan ding hindi naman sinang-ayunan ng kaniyang kapatid na si Pangulong Bongbong Marcos ang naturang pahayag ng senadora.

MAKI-BALITA: PBBM, nag-react sa findings ni Sen. Imee sa pag-aresto kay FPRRD: ‘I disagree!’

Kasalukuyang nasa kustodiya ng ICC si Duterte matapos siyang arestuhin noong Marso 11, dahil sa kasong “krimen laban sa sangkatauhan” kaugnay ng madugong giyera kontra droga ng kaniyang administrasyon.

BASAHIN: TIMELINE: Mula pag-implementa ng drug war, pag-imbestiga ng ICC, hanggang pag-aresto kay FPRRD

Mga kandidatong artista, di sinusuportahan ng kapwa artista dahil pangit ang ugali, sey ni Ogie Diaz

Sinagot ng showbiz insider na si Ogie Diaz kung 'bakit may mga tumatakbong artista, parang walang sumusuportang kapwa artista?''Ako na po ang sasagot: Pangit ang ugali no'n, salbahe, o kaya ay alam ng buong industriya na hindi makakatulong sa bayan. Kaya [kaysa] ikampanya sila para 'wag iboto, quiet na lang ang mga taga-industriya,' saad ni Ogie sa kaniyang Facebook...

Ogie Diaz, may payo sa publiko tungkol sa pagboto sa mga kandidatong artista

May payo sa publiko ang showbiz insider na si Ogie Diaz tungkol sa pagboto sa mga kumakandidatong artista, partikular sa mga tumatakbong senador, ngayong 2025 national and local elections.'Kung boboto kayo ng artista, check [ninyo] mabuti kung [may] mga nagawang mabuti sa bayan o may mga naipasang batas na pinakikinabangan ng bayan, lalo na yung mga tumatakbong senador,' saad ni Ogie sa...

19 lugar sa PH, makararanas ng ‘dangerous’ heat index sa Mayo 3

Inaasahang aabot sa “danger” level ang heat index sa 19 lugar sa bansa bukas ng Sabado, Mayo 3, ayon sa Philippine Atmospheric, Geophysical and Astronomical Services Administration (PAGASA).Sa tala ng PAGASA dakong 5:00 ng hapon nitong Biyernes, Mayo 2, inaasahang aabot sa danger level ang heat index sa mga sumusunod na lugar bukas:44°C - Baler, Aurora44°C - Iba, Zambales44°C - Sangley...