9,000 kapulisan, nakahandang umasiste sa araw ng Eleksyon

By Kate Garcia

May 02, 2025

In BALITA Eleksyon

Iginiit ni Commission on Elections (Comelec) spokesman Rex Laudiangco na nakahanda umano ang kapulisan sa pag-asiste sa darating na eleksyon sa Mayo 12, 2025, lalo na kung sakali umanong umatras ang ilang miyembro ng electoral boards.

Sa panayam ng media kay Laudiangco nitong Biyernes, Mayo 2, 2025, ipinaliwanag niya na parte umano ng “standard” ng komisyon ang paghingi ng tulong sa miyembro ng Philippine National Police (PNP) tuwing halalan.

“Eh kaysa humanap kami ng public officials hanggang sa makarating kami sa private individuals, we could go directly to the officers and personnel of the [Philippine National Police]. At ‘yun ay naging standard na ng Comelec since nai-enact ang [Election Service Reform Act],” ani Laudiangco.

Matatandaang kamakailan lang nang ihayag ni Comelec chairman George Erwin Garcia na ang orihinal na bilang ng mga sinanay ng PNP na maaaring umupo sa eleksyon ay nasa 4,000 kapulisan, ngunit dinoble umano nila ito.

“Ang pinapahanda namin na bilang sa PNP na pwedeng magamit bilang special ERB members kung saka-sakaling hindi makapaglingkod ang mga guro as ERB members ay 4,000. Ang nai-prepare ng PNP ay mahigit 9,000. Ibig sabihin, doble sa kung ano ang nai-request ng Comelec,” ani Garcia.

Samantala, noong nakaraang buwan naman ng Abril nang kumpirmahin ng PNP na bumaba umano ang mga naitala nilang election related violence sa buong bansa.

KAUGNAY NA BALITA: Election-Related Violence, pumalo na sa 30—PNP

Mga kandidatong artista, di sinusuportahan ng kapwa artista dahil pangit ang ugali, sey ni Ogie Diaz

Sinagot ng showbiz insider na si Ogie Diaz kung 'bakit may mga tumatakbong artista, parang walang sumusuportang kapwa artista?''Ako na po ang sasagot: Pangit ang ugali no'n, salbahe, o kaya ay alam ng buong industriya na hindi makakatulong sa bayan. Kaya [kaysa] ikampanya sila para 'wag iboto, quiet na lang ang mga taga-industriya,' saad ni Ogie sa kaniyang Facebook...

Ogie Diaz, may payo sa publiko tungkol sa pagboto sa mga kandidatong artista

May payo sa publiko ang showbiz insider na si Ogie Diaz tungkol sa pagboto sa mga kumakandidatong artista, partikular sa mga tumatakbong senador, ngayong 2025 national and local elections.'Kung boboto kayo ng artista, check [ninyo] mabuti kung [may] mga nagawang mabuti sa bayan o may mga naipasang batas na pinakikinabangan ng bayan, lalo na yung mga tumatakbong senador,' saad ni Ogie sa...

19 lugar sa PH, makararanas ng ‘dangerous’ heat index sa Mayo 3

Inaasahang aabot sa “danger” level ang heat index sa 19 lugar sa bansa bukas ng Sabado, Mayo 3, ayon sa Philippine Atmospheric, Geophysical and Astronomical Services Administration (PAGASA).Sa tala ng PAGASA dakong 5:00 ng hapon nitong Biyernes, Mayo 2, inaasahang aabot sa danger level ang heat index sa mga sumusunod na lugar bukas:44°C - Baler, Aurora44°C - Iba, Zambales44°C - Sangley...