Rep. France Castro, Rep. Arlene Brosas, binisita si Ex-VP Leni sa Naga

By Mary Joy Salcedo

May 01, 2025

In BALITA Eleksyon

Ibinahagi nina ACT Teachers Party-List Rep. France Castro at Gabriela Party-List Rep. Arlene Brosas ang mainit na pagtanggap sa kanila ni dating Vice President Leni Robredo nang bisitahin nila ito sa Naga City bago ang kanilang Miting de Avance nitong Huwebes, Mayo 1.

Sa magkahiwalay na Facebook post, nagbahagi sina Castro at Brosas ng ilang mga larawan ng pagkadaupang-palad nila kay Robredo.

“Maraming salamat sa mainit na pagtanggap, Atty. Leni Robredo,” ani Castro.

Ibinahagi ni Castro na napag-usapan nila nina Robredo at Brosas ang tungkol sa pangagampanya at sa mga “napapanahong isyu sa politika.”

Sinabi rin ni Brosas sa isang hiwalay na post na bukod sa kalagayan ng bansa, napag-usapan daw nila nina Robredo at Castro kung paano magtulungan upang matamo ng bansa ang tunay na pag-unlad.

“Maraming salamat sa inyong mainit na pagtanggap sa Makabayan,” mensahe rin ni Brosas kay Robredo.

Kasalukuyang kandidato sa pagkasenador sina Castro at Brosas sa ilalim ng Makabayan Coalition, kung saan isasagawa ang kanilang miting de avance sa Naga nitong 3:00 ng hapon, kasabay ng pagdiriwang ng Araw ng mga Manggagawa o Labor Day.

Tumatakbo naman si Robredo bilang alkalde ng Naga City.

Nakaktakdang isagawa ang 2025 midterm elections sa Mayo 12, 2025.

Atty. Kaufman, pinuri pag-imbestiga ni Sen. Imee sa pag-aresto kay FPRRD

Pinuri ng legal counsel ni dating Pangulong Rodrigo Duterte na si Atty. Nicholas Kaufman ang pag-imbestiga ni Senador Imee Marcos sa Senado hinggil sa naging pag-aresto sa dating pangulo at pagdala sa kaniya sa International Criminal Court (ICC) sa The Hague, Netherlands.Sa isang panayam na inilabas ng SMNI Gikan sa Masa, Para sa Masa nitong Huwebes, Mayo 1, sinabi ni Kaufman na sinusundan niya...

Nakabubuhay na sahod, 'di matutupad kung puro 'dinastiya' mahahalal sa eleksyon – Espiritu

Iginiit ni labor-leader at senatorial candidate Luke Espiritu na hindi matutupad ang mga isinusulong para sa kapakanan ng mga manggagawa tulad ng nakabubuhay na sahod kung puro “political dynasty” umano ang mahahalal sa 2025 midterm elections.Sinabi ito ni Espiritu sa isang Facebook post kaugnay ng kaniyang pagdalo sa kilos-protesta sa Maynila sa pagdiriwang ng Labor Day nitong Huwebes, Mayo...

Kandidatura ni Mayor Honey sa Maynila, iniendorso na rin ng mga Muslim

Isa pang malaking grupo na binubuo naman ng Muslim communities na nakabase sa Maynila, ang nag-endorso ng kandidatura ng reelectionist na si Manila Mayor Honey Lacuna.Ipinahayag ng Sultanate of Phangampong a Pilipinas Da’wah Solidarity Inc. ang kanilang pagsuporta sa kandidatura ng lady mayor, sa isang pagtitipon na idinaos para dito.Sa naturang aktibidad, pinuri ng naturang samahan, na binubuo...