Atty. Kaufman, pinuri pag-imbestiga ni Sen. Imee sa pag-aresto kay FPRRD-Balita

Atty. Kaufman, pinuri pag-imbestiga ni Sen. Imee sa pag-aresto kay FPRRD

Pinuri ng legal counsel ni dating Pangulong Rodrigo Duterte na si Atty. Nicholas Kaufman ang pag-imbestiga ni Senador Imee Marcos sa Senado hinggil sa naging pag-aresto sa dating pangulo at pagdala sa kaniya sa International Criminal Court (ICC) sa The Hague, Netherlands.

Sa isang panayam na inilabas ng SMNI Gikan sa Masa, Para sa Masa nitong Huwebes, Mayo 1, sinabi ni Kaufman na sinusundan niya ang imbestigasyon ng Senado hinggil sa kaso ni Duterte.

“I have been following the proceedings in the Senate. I've even read the final report. I've seen the thorough work that has been done by Senator Imee Marcos. Mention has been made of the arrests, mention has been made even of the jurisdictional arguments,” ani Kaufman.

“They are very compelling, and they support our arguments as well,” dagdag niya.

Nang tanungin naman kung pabor ang resulta ng Senate inquiry sa aplikasyon ng kanilang jurisdictional argument, positibo ang naging sagot ni Kaufman.

“There are definitely arguments that can be derived from that report and will be used. Reference will possibly be made as well,” saad ng legal counsel ng dating pangulo.

Matatandaang noong Lunes, Abril 28, nang sabihin ni Marcos, chairperson ng Senate Commitee on Foreign Relations, na base raw sa kanilang imbestigasyon sa Senado, lumabas na “politically motivated” umano ang nangyaring pag-aresto kay Duterte.

Ayon pa sa senadora, planado umano ng administrasyon ang pag-aresto kay FPRRD upang pabagsakin ang mga Duterte.

Matatandaan ding hindi naman sinang-ayunan ng kaniyang kapatid na si Pangulong Bongbong Marcos ang naturang pahayag ng senadora.

MAKI-BALITA: PBBM, nag-react sa findings ni Sen. Imee sa pag-aresto kay FPRRD: ‘I disagree!’

Kasalukuyang nasa kustodiya ng ICC si Duterte matapos siyang arestuhin noong Marso 11, dahil sa kasong “krimen laban sa sangkatauhan” kaugnay ng madugong giyera kontra droga ng kaniyang administrasyon.

Inaasahang isasagawa sa darating na Setyembre 23, 2025 ang confirmation of charges hearing ng dating pangulo.

BASAHIN: TIMELINE: Mula pag-implementa ng drug war, pag-imbestiga ng ICC, hanggang pag-aresto kay FPRRD

Rep. France Castro, Rep. Arlene Brosas, binisita si Ex-VP Leni sa Naga

Ibinahagi nina ACT Teachers Party-List Rep. France Castro at Gabriela Party-List Rep. Arlene Brosas ang mainit na pagtanggap sa kanila ni dating Vice President Leni Robredo nang bisitahin nila ito sa Naga City bago ang kanilang Miting de Avance nitong Huwebes, Mayo 1.Sa magkahiwalay na Facebook post, nagbahagi sina Castro at Brosas ng ilang mga larawan ng pagkadaupang-palad nila kay...

Nakabubuhay na sahod, 'di matutupad kung puro 'dinastiya' mahahalal sa eleksyon – Espiritu

Iginiit ni labor-leader at senatorial candidate Luke Espiritu na hindi matutupad ang mga isinusulong para sa kapakanan ng mga manggagawa tulad ng nakabubuhay na sahod kung puro “political dynasty” umano ang mahahalal sa 2025 midterm elections.Sinabi ito ni Espiritu sa isang Facebook post kaugnay ng kaniyang pagdalo sa kilos-protesta sa Maynila sa pagdiriwang ng Labor Day nitong Huwebes, Mayo...

Kandidatura ni Mayor Honey sa Maynila, iniendorso na rin ng mga Muslim

Isa pang malaking grupo na binubuo naman ng Muslim communities na nakabase sa Maynila, ang nag-endorso ng kandidatura ng reelectionist na si Manila Mayor Honey Lacuna.Ipinahayag ng Sultanate of Phangampong a Pilipinas Da’wah Solidarity Inc. ang kanilang pagsuporta sa kandidatura ng lady mayor, sa isang pagtitipon na idinaos para dito.Sa naturang aktibidad, pinuri ng naturang samahan, na binubuo...