VP Sara, pinasalamatan imbestigasyon ni Sen. Imee sa ‘pagdukot’ kay FPRRD

By Kate Garcia

April 30, 2025

In BALITA National

Nagpahayag ng pasasalamat si Vice President Sara Duterte kay reelectionist Senator Imee Marcos dahil umano sa imbestigasyong ikinasa nito sa Senado hinggil sa pag-aresto sa kaniyang ama na si dating Pangulong Rodrigo Duterte.

Sa panayam ng media sa Pangalawang Pangulo sa Leyte noong Martes, Abril 29, 2025, iginiit niyang nais na rin umano niyang makita ang resulta ng nasabing imbestigasyon ni Sen. Imee.

“Nagpapasalamat ako kay Sen. Imee dahil binuksan niya ang pag-uusap kung ano ang ginawa nila, anong mali na ginawa nila kay Pangulong Rodrigo Duterte,” ani VP Sara.

Dagdag pa niya, “Ngayon gusto naming makita na ma-file-an ng kaso ‘yung mga tao na may kasalanan sa kung anong nangyari sa pagdukot kay Pangulong Rodrigo Duterte.”

Matatandaang noong Marso 20 nang ikasa ni Sen. Imee ang pagdinig kung saan idiniin ng senadora ang umano’y ilegal na ginawa ng ilang gabinete ng pamahalaan na sina Department of Justice (DOJ) Jesus Crispin "Boying" Remulla, Defense Secretary Gilberto Teodoro at National Security Adviser Eduardo Año sa pag-aresto kay dating Pangulong Duterte.

KAUGNAY NA BALITA: Ilang cabinet members, nanindigang 'di tumulong ang Pinas sa ICC

Noong Marso 11 nang maaresto si dating Pangulong Duterte sa Ninoy Aquino International Airport sa bisa ng arrest warrant na ibinaba ng International Criminal Court (ICC) para umano sa kaso niyang crime against humanity.

KAUGNAY NA BALITA: TIMELINE: Mula pag-implementa ng drug war, pag-imbestiga ng ICC, hanggang pag-aresto kay FPRRD

Palasyo, walang impormasyon na aarestuhin umano ng ICC si VP Sara

Nilinaw ng Malacañang na wala umano silang impormasyon hinggil sa naging pahayag ni Vice President Sara Duterte na nasa listahan na rin daw siya ng mga aarestuhin ng International Criminal Court (ICC). Sa press briefing ni Palace Press Secretary Claire Castro nitong Miyerkules, Abril 30, 2025, iginiit niyang wala pa rin umanong masasabi ang Palasyo sa nasabing pahayag ng Pangalawang...

Barangay tanod na nagseselos, 'sinamurai' ang canteen helper; patay!

Patay ang isang lalaking canteen helper matapos pagsasaksakin umano ng isang Barangay tanod sa Ermita, Maynila.Ayon sa ulat ng Frontline Pilipinas noong Martes, Abril 29, 2025, sumugod ang suspek sa mismong canteen kung saan nagtatrabaho ang biktima at doon niya ito inundayan ng saksak gamit ang isang katana o samurai sword.Lumalabas sa imbestigasyon na selos umano ang motibo ng suspek dahil sa...

Student-athlete, pumanaw matapos ang boxing match

Pumanaw ang isang 20 taong gulang na lalaking student-athlete ilang araw matapos ang kaniyang boxing match-up sa Camiguin.Ayon sa mga ulat, agad na isinugod sa ospital ang biktima na kumakatawan sa Southern Tagalog laban sa kinatawan ng National Capital Region (NCR) para sa 2025 State Colleges and Universities Athletic Association (SCUAA) National Games noong Abril 26, 2025. Agarang isinugod sa...