Veteran journalist, pinatay sa loob ng bahay habang nanonood ng TV

By Nicole Therise Marcelo

April 30, 2025

In BALITA

Pinatay ang beteranong mamamahayag na si Juan "Johnny" P. Dayang sa loob ng kaniyang bahay sa Kalibo, Aklan nitong Martes ng gabi, Abril 29.

Sa ulat ng Manila Bulletin, idineklarang dead on arrival si Dayang, ayon kay Police Capt. Aubrey Ayon, tagapagsalita ng Aklan Police Provincial Office.

Sa ulat ng Kalibo police, nanonood nang telebisyon ang 89-anyos na mamamahayag nang pasukin ng gunman ang bahay nito sa Barangay Andagao at saka pinagbabaril.

Tumakas ang gunman sakay ng motorsiklo.

Samantala, inaalam pa ng pulisya ang motibo sa pagpatay at pagkakakilanlan ng suspek.

Si Dayang ay ang longtime president ng Publishers Association of the Philippines Inc. (PAPI).

Naging kolumnista rin siya ng Balita at Tempo ng Manila Bulletin.

Bukod dito, naging presidente rin si Dayang na Manila Overseas Press Club (MOPC) at direktor at board secretary of the National Press Club (NPC).

Student-athlete, pumanaw matapos ang boxing match

Pumanaw ang isang 20 taong gulang na lalaking student-athlete ilang araw matapos ang kaniyang boxing match-up sa Camiguin.Ayon sa mga ulat, agad na isinugod sa ospital ang biktima na kumakatawan sa Southern Tagalog laban sa kinatawan ng National Capital Region (NCR) para sa 2025 State Colleges and Universities Athletic Association (SCUAA) National Games noong Abril 26, 2025. Agarang isinugod sa...

NAIA security personnel, pinagbabawalan nang humawak ng passport ng mga pasahero

Pinagbabawalan na ng Ninoy Aquino International Airport (NAIA) ang lahat ng kanilang security personnel na hawakan ang pasaporte ng mga pasahero, kasunod ng kamakailang isyu tungkol sa 'punit na passport.''To better protect your travel documents and reduce unnecessary contact, all NAIA security personnel have been instructed not to touch passports during terminal entry and security...

Delivery rider, patay habang nakapila sa ayuda sa Marikina

Binawian ng buhay ang isang delivery rider habang nakapila sa ayudang ipinamamahagi sa Marikina sports complex noong Lunes, Abril 28. Nabatid ng Marikina City Police nitong Martes, Abril 29, na nakapila ang 20-anyos na delivery rider para sa ipinamamahaging ayuda. Gayunman, nawalan umano ng malay ang binata sa naturang lugar at isinugod sa Amang Rodriquez Memorial Medical Center dakong 4:20 ng...