Pilipinas, balak harangin asylum application ni Roque

By Kate Garcia

April 30, 2025

In BALITA National

Inihayag ng Department of Justice (DOJ) na nakatakda umanong harangin ng gobyerno ng Pilipinas ang asylum application ni dating Presidential spokesperson Harry Roque sa Netherlands.

Sa panayam ng TeleRadyo Serbisyo kay DOJ Undersecretary Nicholas Felix Ty, iginiit niyang may plano umano silang magsumite ng dokumento sa pamahalaan ng Netherlands na tututol sa naturang aplikasyon ni Roque.

“Binigyan na ako mismo ng instruction ni [Justice] Secretary [Jesus Crispin] Remulla na kapag lumabas na 'yung warrant of arrest ay magsulat na sa pamahalaan ng the Netherlands at ... ipaalam sa kanila na may ganitong kaso, may warrant si Harry Roque,” ani Ty.

Matatandaang kamakailan lang nang tuluyang sampahan sina Roque at Cassandra Ong ng qualified human trafficking charges matapos umanong mapatunayan ang kanilang kaugnayan sa ni-raid na Philippine Offshore Gaming Operators (POGO) sa Pampanga noong 2024.

Dagdag pa ni Ty, “Malinis ang konsensya natin, alam naman natin na ang ginagawa natin ay walang kinalaman sa politika, naaayon lang sa ebidensya kasi alalahanin natin noong ni-raid ng PAOCC (Presidential Anti-Organized Crime Commission) ang Lucky South 99 wala naman silang intensyon na idawit si Atty. Harry Roque.”

Si Roque ay kasalukuyang nananatili sa Netherlands habang inaantay ang resulta ng kaniyang asylum application, matapos siyang magtago ng ilang buwan sa Pilipinas at muling nasilayan ng publiko sa The Hague.

KAUGNAY NA BALITA: Roque, napahagulgol sa asylum application: ‘Wala nang tago-tago!’

Nasa 18M graduates ng high school noong 2024, hindi 'functional literate'

Nabahala si Sen. Win Gatchalian sa bilang ng mga junior high school at senior high school graduates na hindi 'functional literate' o hindi makapagbasa, makapagsulat, makapagkuwenta, o makaunawa noong 2024.Sa isinagawang 'Public Hearing of the Committee on Basic Education' na pinangunahan ng committee head na si Sen. Gatchalian, Miyerkules, Abril 30, tinalakay sa nabanggit na...

Sam Verzosa, pinutulan ng kable ng kuryente sa campaign sortie sa Tondo

Napag-usapan nina Ogie Diaz at iba pang co-hosts sa 'Ogie Diaz Showbiz Update' ang nangyari raw sa isa sa mga campaign sortie ng Manila mayoral candidate na si Sam 'SV' Verzosa kamakailan.Ayon kay Ogie, nakakaloka raw dahil nawalan daw ng kuryente sa campaign rally ng kandidato sa Moriones, Tondo habang nagsasalita ito.Sa speech ni SV, sinasabi niyang panandalian lamang daw ang...

Bulacan VG Alex Castro, nagsalita sa tugon ng Malacañang sa PrimeWater

Naglabas ng opisyal na pahayag si Bulacan Vice Governor Alex Castro hinggil sa tugon ng Malacañang na imbestigahan ang serbisyo ng PrimeWater sa kanilang lalawigan.Mababasa sa kaniyang opisyal na pahayag, sa opisyal niyang Facebook page nitong Miyerkules, Abril 30, 'Taos-puso po akong nagpapasalamat sa Malacañang sa kanilang agarang pagtugon sa ating panawagan na imbestigahan ang matagal...