Nasa 18M graduates ng high school noong 2024, hindi 'functional literate'

By Richard De Leon

April 30, 2025

In BALITA National

Nabahala si Sen. Win Gatchalian sa bilang ng mga junior high school at senior high school graduates na hindi "functional literate" o hindi makapagbasa, makapagsulat, makapagkuwenta, o makaunawa noong 2024.

Sa isinagawang "Public Hearing of the Committee on Basic Education" na pinangunahan ng committee head na si Sen. Gatchalian, Miyerkules, Abril 30, tinalakay sa nabanggit na pagdinig ang initial results ng 2024 Functional Literacy, Education, and Mass Media Survey (FLEMMS), na inilahad naman ng Philippine Statistics Authority (PSA).

Batay sa datos, tinatayang aabot sa 18.96 milyong mga graduate ng JHS at SHS noong 2024 ang hindi makapagbasa o makaunawa sa binabasa niyang teksto, gaya halimbawa ng isang simpleng kuwento. Ayon kay Assistant National Statistician Adrian Cerezo, 79% ng mga nagtapos ng SHS noong 2024 ay maikokonsiderang "functional literate."

Inilahad din mula sa resulta na sa kabuuan, nasa 24.8 milyong mga Pilipino ang may problema pagdating sa pag-unawa sa isang simpleng kuwento.

Ayon kay Gatchalian, "Hanggang may hindi marunong magsulat, magbasa at mag-compute, hindi mawawala ang kahirapan sa ating bansa. Kailangan itong tutukan at agapan sa pamamagitan ng dekalidad na edukasyon."

"Paano nag-graduate pero hindi marunong magbasa, magsulat, at mag-compute? Iminungkahi natin sa DepEd na tutukan ito para agad na maagapan at hindi lumala," saad pa niya.

Research vessels ng BFAR, binomba ng tubig at ginitgit ng Chinese Coast Guard

Binomba ng water cannon at saka ginitgit ng Chinese Coast Guard ang dalawang research vessels ng Bureau of Fisheries and Aquatic Resources (BFAR) sa Pag-asa Cay 2 (Sandy Cay) sa West Philippine Sea noong Huwebes, Mayo 22, 2025.Ayon sa ulat, magsasagawa ng scientific mission ang BRO Datu Sanday at BRP Datu Pagbuaya upang mangalokta raw ng sand samples para sa kanilang marine scientific research...

Disqualification case ng Bagong Henerasyon Partylist, ibinasura ng Comelec 1st division

Ibinasura ng Commission on Elections (Comelec) First Division ang nakabinbin na disqualification case laban sa nanalong Bagong Henerasyon Partylist. Matatandaang nag-ugat ang disqualification case laban sa BH dahil sa umano'y partisan political activity ng mga nominee nito.Ayon sa Comelec 1st Division, lumilitaw na hindi umano nagbigay ang petisyuner na si Atty. Russel Stanley Geronimo ng...

Lalaking ipinagpalit daw sa pangit, nanaksak ng hindi kilala!

Nasakote ng pulisya ang lalaking nag-amok umano at nanaksak matapos hanapin ang lalaking ipinagpalit daw sa kaniya ng dating kinakasama sa Quezon City.Ayon sa mga ulat, nagtanong at gustong magpasama ng suspek sa biktimang hindi niya kilala para hanapin daw si alyas ‘Panget.’ Matapos ang pag-uusap ay sinaksak ng suspek ang biktima na nagtamo ng galos malapit sa mata.Sa panayam ng media kay...