Trust, approval rating ni PBBM, bumaba; tumaas naman kay VP Sara – OCTA

By Mary Joy Salcedo

April 29, 2025

In BALITA National

Bumaba ang parehong trust at approval rating ni Pangulong Ferdinand “Bongbong” Marcos Jr. habang parehong tumaas naman ang kay Vice Presidente Sara Duterte, ayon sa survey ng Octa Research na inilabas nitong Martes, Abril 29.

Batay sa noncommissioned “Tugon ng Masa” survey ng OCTA nitong Abril, 60% ng mga Pilipino ang nagtitiwala kay Marcos, kung saan limang puntos na mas mababa ito kumpara sa 65% na natanggap niya noong Nobyembre 2024.

Tumaas naman ang trust rating ni Duterte, mula sa nakuha niyang 49% noong Nobyembre patungo sa 58% nitong Abril.

Pagdating sa performance rating, bumaba rin ang nakuha ni Marcos sa 59% nitong Abril, mula sa 64% na nakuha niya noong ikaapat na quarter ng nakaraang taon.

Inihayag din ng OCTA na tumaas ang approval rating ng bise presidente mula 48% patungong 56%.

Bagama’t bumaba ang rating ni Marcos, nananatiling siya pa rin ang may pinakamataas na nakuhang trust at approval rating nitong Abril.

Isinagawa raw ang naturang survey mula Abril 2 hanggang 5, 2025 sa pamamagitan ng face-to-face interview sa 1,200 Pilipinong nasa 18 pataas ang edad.

'Marcos pa rin!' Sen. Imee nag-react sa joke ni VP Sara, 'di papalitan apelyido

Nahingan ng reaksiyon si Sen. Imee Marcos hinggil sa naging hirit na biro ni Vice President Sara Duterte na dapat na siyang magpalit ng apelyido, nang lumahok ang Pangalawang Pangulo sa campaign sortie ni Manila mayoral candidate Isko 'Moreno' Domagoso kamakailan.Ayon kay Sen. Imee, kahit may 'bangayan' ang administrasyon ng kaniyang kapatid na si Pangulong Ferdinand...

Libreng sakay sa MRT-3, LRT-1, at LRT-2 ikakasa mula Abril 30-Mayo 3

Magbibigay ng libreng sakay ang MRT-3, LRT-1, at LRT-2 para sa mga commuter bilang pagdiriwang sa Araw ng mga Manggagawa.Sa isang video statement nitong Martes, Abril 29, inanunsiyo ni Pangulong Ferdinand “Bongbong” Marcos, Jr. ang naturang balita.Aniya, “Nais kong sabihin sa lahat ng ating mga commuter ay inutos ko na para magbigay ng ating kaunting parangal sa ating mga...

PBBM sa nakuha niyang trust, approval rating: ‘It continues to inspire me’

Ipinahayag ni Pangulong Ferdinand “Bongbong” Marcos Jr. na patuloy na magiging inspirasyon para sa kaniya ang survey ng OCTA Research, kung saan lumabas na siya pa rin ang “most trusted and approved” government official kahit bumaba ang kaniyang rating kung ikukumpara noong nakaraang taon.Base sa inilabas na survey ng OCTA nitong Martes, Abril 29, bumaba sa 60% ang mga Pilipinong...