Guanzon, may panawagan sa mga Kakampinks na 'di boboto sa party-list niya

By Mary Joy Salcedo

April 29, 2025

In BALITA Eleksyon

May panawagan si P3PWD Party-list Rep. Rowena Guanzon sa mga Kakampink na hindi raw boboto sa kaniyang party-list sa 2025 midterm elections.

Sa isang X post nitong Martes, Abril 29, inirekomenda ni Guanzon sa mga Kakambink na iboto ang Mamamayang Liberal Party-list, kung saan si dating Senador Leila de Lima ang first nominee.

“To Kakampink who wont vote for me, vote for @manayleila ML PL,” saad ni Guanzon.

Binanggit din ng dating Commission on Elections (Comelec) commissioner ang isa nilang kaalyado na Akbayan Party-list, kung saan si Atty. Chel Diokno ang first nominee.

Ani Guanzon: “Akbayan has enough votes.”

Sa ilalim ng Republic Act 7491 o ang “Party-List System Act”, makakakuha ng isang puwesto sa House of Representatives ang grupong makatatangap ng hindi bababa sa 2% ng kabuuang boto para sa party-list system.

Maaari namang makakuha ng isa pang dagdag na puwesto sa Kamara ang party-list na makatatanggap ng mahigit sa 2% na kabuuang boto sa eleksyon, ngunit hindi raw maaaring magkaroon ng mas marami sa tatlong puwesto ang isang party-list sa Kongreso.

Inaasahang isasagawa ang 2025 midterm elections sa darating na Mayo 12, 2025.

Trust, approval rating ni PBBM, bumaba; tumaas naman kay VP Sara – OCTA

Bumaba ang parehong trust at approval rating ni Pangulong Ferdinand “Bongbong” Marcos Jr. habang parehong tumaas naman ang kay Vice Presidente Sara Duterte, ayon sa survey ng Octa Research na inilabas nitong Martes, Abril 29.Batay sa noncommissioned “Tugon ng Masa” survey ng OCTA nitong Abril, 60% ng mga Pilipino ang nagtitiwala kay Marcos, kung saan limang puntos na mas mababa ito kumpara...

Rita Avila, nagpaalala: 'Huwag na po tayong masilaw sa ayuda'

Nagbigay ng paalala sa nalalapit na 2025 midterm elections ang aktres na si Rita Avila hinggil sa pagtanggap ng ayuda o pera.Sa isang Facebook post ni Rita noong Lunes, Abril 28, panandaliang tulong lang umano ang ayuda at hindi naman paninindigan.“Huwag na po tayong MASILAW sa AYUDA o PERA. Panandaliang tulong lang sa atin na di naman nila paninindigan. Di pa ba natin napapansin?” saad ni...

Chinese na may dala umanong ‘spy equipment,’ inaresto ng NBI malapit sa Comelec

Isang Chinese national na may dala umanong “spy equipment” ang inaresto ng National Bureau of Investigation (NBI) malapit sa tanggapan ng Commission on Elections (Comelec) sa Intramuros, Maynila nitong Martes, Abril 29.Narekober ng NBI sa sasakyan na inupahan ng nasabing Chinese national ang equipment na International Mobile Subscriber Identity na hinihinalang ginagawang instrumento upang...