Chinese na may dala umanong ‘spy equipment,’ inaresto ng NBI malapit sa Comelec

By Mary Joy Salcedo

April 29, 2025

In BALITA National

Isang Chinese national na may dala umanong “spy equipment” ang inaresto ng National Bureau of Investigation (NBI) malapit sa tanggapan ng Commission on Elections (Comelec) sa Intramuros, Maynila nitong Martes, Abril 29.

Narekober ng NBI sa sasakyan na inupahan ng nasabing Chinese national ang equipment na International Mobile Subscriber Identity na hinihinalang ginagawang instrumento upang mangalap ng mahahalaga at sensitibong impormasyon na posible umanong magamit para maimpluwensyahan ang nalalapit na eleksyon.

Ayon kay NBI Director Jaime Santiago, limang araw na umanong paikot-ikot ang naturang sasakyan.

Hindi umano marunong magsalita ng wikang Ingles at Filipino ang naturang Chinese.

Matatandaang noong Abril 24 nang ipahayag ni National Security Council (NSC) Assistant Director General Jonathan Malaya na may ilang grupo umano ng Chinese ang nagtungo sa Pilipinas upang makialam sa paparating na eleksyon.

Samantala, sa kapareho ring araw nang iginiit ni Chinese foreign ministry spokesperson Guo Jiakun na wala umanong pakay ang China na makialam sa "domestic affairs" ng ibang bansa.

MAKI-BALITA: China, nilinaw na walang interest makialam sa Philippine election

'Marcos pa rin!' Sen. Imee nag-react sa joke ni VP Sara, 'di papalitan apelyido

Nahingan ng reaksiyon si Sen. Imee Marcos hinggil sa naging hirit na biro ni Vice President Sara Duterte na dapat na siyang magpalit ng apelyido, nang lumahok ang Pangalawang Pangulo sa campaign sortie ni Manila mayoral candidate Isko 'Moreno' Domagoso kamakailan.Ayon kay Sen. Imee, kahit may 'bangayan' ang administrasyon ng kaniyang kapatid na si Pangulong Ferdinand...

Libreng sakay sa MRT-3, LRT-1, at LRT-2 ikakasa mula Abril 30-Mayo 3

Magbibigay ng libreng sakay ang MRT-3, LRT-1, at LRT-2 para sa mga commuter bilang pagdiriwang sa Araw ng mga Manggagawa.Sa isang video statement nitong Martes, Abril 29, inanunsiyo ni Pangulong Ferdinand “Bongbong” Marcos, Jr. ang naturang balita.Aniya, “Nais kong sabihin sa lahat ng ating mga commuter ay inutos ko na para magbigay ng ating kaunting parangal sa ating mga...

PBBM sa nakuha niyang trust, approval rating: ‘It continues to inspire me’

Ipinahayag ni Pangulong Ferdinand “Bongbong” Marcos Jr. na patuloy na magiging inspirasyon para sa kaniya ang survey ng OCTA Research, kung saan lumabas na siya pa rin ang “most trusted and approved” government official kahit bumaba ang kaniyang rating kung ikukumpara noong nakaraang taon.Base sa inilabas na survey ng OCTA nitong Martes, Abril 29, bumaba sa 60% ang mga Pilipinong...