Buong suporta ang ibinigay ng mga lider ng Zambales kay senatorial aspirant Camille Villar matapos siyang opisyal na i-endorso ni Governor Hermogenes Ebdane, Jr. at ilang lokal na opisyal bilang pinakabatang kandidato sa Senado ngayong 2025.
Sa kaniyang kampanya sa lalawigan, binisita ni Villar, 40, ang mga bayan ng Castillejos, Iba, at Olongapo, kung saan siya nakipagpulong sa iba’t ibang sektor tulad ng mga senior citizen, kabataan, at mga civic organization.
“Mahalaga ang pagtutulungan ng pambansang pamahalaan at lokal na pamahalaan para sa tunay na pag-unlad,” ani Villar sa mga residente, habang pinagtitibay ang kanyang adbokasiya para sa isang gobyernong tumutugon sa partikular na pangangailangan ng mga komunidad sa labas ng Metro Manila.
Pinuri ni Governor Ebdane ang kasaysayan ng serbisyo publiko ni Villar at ang patuloy na suporta ng kanyang pamilya sa Zambales, lalo na sa mga proyekto sa imprastraktura at agrikultura. Hinimok din niya ang mga botante na maging matalino sa pagpili ng mga ihahalal.
Makabayan bloc, hinikayat ang supporters na kompletuhin senatorial line-up
“Marami tayong naririnig na pangalan, pero isa lang ang kandidata natin dito — si Camille Villar,” ani Ebdane habang nangangampanya sa ilalim ng matinding init ng araw kasama si Villar.
“‘Pag totoo ang serbisyo, kahit pagod ka na, nawawala ang pagod,” dagdag pa ng gobernador na umani ng masigabong palakpakan mula sa mga dumalo.
Kasama rin sa pagtanggap kay Villar sina Mayor Jeff Khonghun, Vice Mayor Christian Esposo, at iba pang lokal na pinuno na nagpahayag ng parehong suporta.
Sa bayan ng Iba, pinangunahan ni Villar ang isang aktibidad sa ilalim ng “RICEUP” initiative, kung saan isinusulong niya ang agribusiness training bilang hakbang upang mapabuti ang kabuhayan ng mga magsasaka at mangingisda. Binigyang-diin niya ang kakayahan ng ganitong mga programa na magpalago ng kita at magpatibay ng seguridad sa pagkain—isang konkretong halimbawa ng kanyang paninindigan sa “sipag at tiyaga.”
Samantala, sa Olongapo, nakipagpulong si Villar sa mga senior citizen sa isang pagtitipon na pinangunahan ni Mayor Rolen Paulino, Jr. sa SMX Olongapo. Dito, nangako siya na isusulong ang mga panukalang batas na magpoprotekta sa kapakanan at karapatan ng mga nakatatanda.
Habang umiinit ang kampanya sa mga darating na linggo, naging malinaw na lalong lumalawak ang suporta kay Camille Villar sa Zambales—isang lider na nakatuon sa inklusibong pag-unlad, matatag na pamumuno, at tunay na pagtugon sa pangangailangan ng mamamayan.
