Cagayan, niyanig ng magkasunod na magnitude 5.5, 5.8 na lindol

By Mary Joy Salcedo

April 28, 2025

In BALITA National

Niyanig ng magkasunod na magnitude 5.5 at magnitude 5.8 na lindol ang probinsya ng Cagayan nitong Lunes ng madaling araw, Abril 28, ayon sa Philippine Institute of Volcanology and Seismology (Phivolcs).

Base sa tala ng Phivolcs, tectonic ang pinagmulan ng dalawang lindol.

Yumanig ang magnitude 5.5 na lindol dakong 12:54 ng madaling araw, kung saan namataan ang epicenter nito 13 kilometro ang layo sa hilagang-kanluran ng Dalupiri Island sa Calayan, Cagayan, na may lalim na 15 kilometro.

Naramdaman ang Intensity V sa Calayan Island, CAGAYAN habang Intensity III naman sa Pagudpud, Pasuquin, Bacarra, City of Laoag, at San Nicolas, ILOCOS NORTE.

Naitala rin ang Instrumental Intensities sa mga sumusunod na lugar:

Intensity II - Claveria at Aparri, CAGAYAN; City of Laoag, ILOCOS NORTE

Intensity I - Gonzaga, CAGAYAN; City of Batac, ILOCOS NORTE

Samantala, dakong 1:18 ng madaling araw nang yanigin muli ang Dalupiri Island ng magnitude 5.8 na lindol.

Namataan naman ang epicenter nito 73 kilometro ang layo sa hilagang-kanluran ng isla at may lalim itong 48 kilometro.

Naramdaman ang Intensity V sa Calayan, CAGAYAN, Intensity IV sa Pasuquin, Bacarra, at San Nicolas, ILOCOS NORTE, at Intensity III sa City of Batac, ILOCOS NORTE

Naitala rin ng Phivolcs ang Instrumental Intensities sa mga sumusunod na lugar:

Intensity IV - City of Laoag, ILOCOS NORTE

Intensity III - Aparri, at Claveria, CAGAYAN; City of Batac, ILOCOS NORTE; Sinait, ILOCOS SUR

Intensity II - Gonzaga, CAGAYAN; Solsona, ILOCOS NORTE; City of Vigan, ILOCOS SUR

Intensity I- Peñablanca, CAGAYAN

Ayon sa Phivolcs, inaasahan ang aftershocks mula sa naturang dalawang magkasunod na lindol.

Ngunit hindi naman inaasahang magdudulot ito ng pinsala ang naturang mga pagyanig.

Sen. Risa sa mga Pinoy sa Canada matapos ang trahedya: ‘Nandito kami para sa inyo’

Nakidalamhati si Senador Risa Hontiveros sa mga nabiktima ng nangyaring pag-araro sa mga Pilipinong nagsasagawa ng Lapu-Lapu Day Celebration sa Vancouver, Canada noong Sabado, Abril 26.Matatandaang nagsagawa ang libo-libong mga Pilipino ng pagdiriwang para sa Lapu-Lapu Day sa Vancouver nang araruhin ang mga ito ng isang SUV.Nasa 11 na umano ang nakumpirmang nasawi habang hindi pa mabilang kung...

Makabayan bloc, hinikayat ang supporters na kompletuhin senatorial line-up

Nanawagan ang Koalisyong Makabayan sa kanilang mga tagasuporta na punuin ang 12 senatorial line-up sa darating na 2025 midterm elections.Sa Facebook post ng Makabayan nitong Lunes, Abril 28, sinabi nilang bagama’t 11 lang umano ang senatorial aspirant sa kanilang slate, ipinauubaya nila sa kanilang tagasuporta ang ika-12 senador na ang tindig sa mga isyu ay malapit sa koalisyon.“We need a...

Ka Leody, inaasahang hindi kaso ng terorismo ang aksidente sa Vancouver

Nagbigay ng pahayag si labor leader at senatorial aspirant Ka Leody De Guzman kaugnay sa aksidenteng nangyari sa Vancouver, Canada noong Sabado, Abril 26 (araw sa Canada), kung saan isang SUV ang nang-araro sa isang Filipino festival.KAUGNAY NA BALITA: Festival ng mga Pinoy sa Vancouver, inararo ng sasakyan; ilang katao, patay!Sa pahayag ni De Guzman nitong Lunes, Abril 28, sinabi niyang sana raw...