VP Sara may advice kay Sen. Imee: Magpalit ka na ng apelyido mo

By Nicole Therise Marcelo

April 25, 2025

In BALITA

Natawa na lamang si Senador Imee Marcos sa advice sa kaniya ni Vice President Sara Duterte.

Dumalo sina Duterte at Marcos sa campaign caucus ni mayoral bet Isko Moreno Domagoso at ng slate nito sa Tondo sa Maynila noong Huwebes, Abril 24.

Ipinangampanya ni Duterte ang senatorial slate ng kaniyang amang si dating Pangulong Rodrigo Duterte na "DuterTen," sa ilalim ng PDP-Laban.

Kasama rin ang senadora sa ikinampanya niya.

Sa naturang caucus, binanggit ni Duterte na may mga nangangamusta sa dating pangulo na nasa The Hague, Netherlands na kasalukuyang humaharap sa kasong crimes against humanity sa International Criminal Court (ICC).

Kaugnay nito, may inihanda ang bise presidente na video presentation sa mga nangangamusta sa kaniyang ama.

Ngunit bago i-play, tinanong muna niya si Marcos kung hindi pa raw ito aalis sa caucus.

"Sa mga nangangamusta, mayroon kaming maliit na video presentation sa inyo. Sigurado ka ba ma'am [Imee] na hindi ka aalis?" tanong niya.

Sabay advice sa senadora: "Ma'am, ang advice ko lang sa'yo sa panahon na ito at sa mga darating na araw, ay magpalit ka na po ng apelyido mo."

"Ay. Sorry. Romualdez pala ang middle name mo," tila pang-aasar pa ng bise presidente sa senadora.

Natawa at sumenyas ng "x" sign si Imee.

"Sabi ko nga, matinong tao si Senator Imee Marcos," ani pa Duterte.

KAUGNAY NA MGA BALITA:

BASAHIN: VP Sara kung tatakbong pangulo sa 2028: 'Do we still have a country by 2028?'

BASAHIN: VP Sara sa P20/kilo ng bigas sa Visayas: 'Para bang hindi kayo nagugutom dito sa Maynila'

Rowena Guanzon, suportado si Isko Moreno bilang alkalde ng Maynila

“Inaway ko yan nung 2022 for Leni pero iba na ang sitwasyon ng Maynila…”Suportado ni dating Commission on Elections (Comelec) Commissioner Rowena Guanzon si Manila mayoral candidate Isko Moreno para sa 2025 midterm elections.Sa isang Facebook post nitong Huwebes, Abril 24, sinabi ni Guanzon na si Moreno raw ang susuportahan niya kung ikukumpara sa kilalang mga kalaban nitong sina...

Palasyo, nagbabala sa fake news tungkol sa ₱20 na bigas: 'Mag-ingat sa fake news peddlers'

Nagbabala si Presidential Communications Office (PCO) Undersecretary Claire Castro sa publiko hinggil sa kumakalat umanong fake news kaugnay ng paglulunsad ng pamahalaan ng ₱20 na bigas.Sa press briefing nitong Biyernes, Abril 25, 2025, iginiit niyang sinisira lamang daw ng fake news peddlers ang naturang programa ng administrasyon.'Mag-ingat po ang mga Pilipino dahil ang ibibenta po na...

Principal sa Antique, pinatalsik na sa pwesto matapos ang viral toga incident

Tinanggal na umano sa katungkulan ang principal sa Antique matapos kumalat sa social media ang hindi pagkakaunawaan sa End-of-School-Year (EOSY) rites dahil sa toga.Sa isinagawang press briefing nitong Biyernes, Abril 25, kinumpirma ni Presidential Communications Office Undersecretary Atty. Claire Castro na wala na sa posisyon ang naturang principal.'Dahil na rin po sa naging direktiba po ng...