Palasyo, pinabulaanan umano'y pamumulitika sa pagpapatupad ng ₱20 na bigas

By Kate Garcia

April 24, 2025

In BALITA National

Nilinaw ng Malacañang na wala umanong halong pamumulitika ang paglulunsad ng gobyerno ng pagbebenta ng ₱20 na bigas.

Sa kaniyang press briefing nitong Huwebes, Abril 24, 2024, ipinaliwanag ni Palace Press Secretary Claire Castro kung bakit ngayon lamang daw ito napatupad.

"Unang-una po, sa budget po hindi po agad kinaya or masasabi natin na pinag-aralan kung paano ito mapapatupad at ngayon po na kinakaya po natin. Hindi po ba dapat mas magpunyagi tayo at kumbaga ay sabihin nating isang tagumpay ito ng pamahalaan para sa taumbayan?" ani Castro.

Iginit din niyang matagal na raw aspirasyon ng administrasyon ni Pangulong Ferdinand "Bongbong" Marcos, Jr. na maipatupad ang ipinangakong ₱20 na bigas.

"Huwag po tayong magpanegatibo, huwag po nating tingnan na hindi maganda at sinasabing pamumulitika po ito. Sabi nga natin, noon pa po ito aspirasyon. So, kung ito man ay natupad, maganda naman po siguro nagkataon dahil ang Visayas areas ay nakipag-cooperate," anang Press Secretary.

Bumuwelta rin ang Palasyo hinggil sa naging pahayag ni Vice President Sara Duterte na panghayop umano ang ibebentang bigas sa nasabing halaga.

KAUGNAY NA BALITA: ₱20 na bigas ng PBBM admin, kinontra ni VP Sara: 'Hindi pantao, panghayop'

"Huwag sanang pairalin ang crab mentality at huwag maging anay sa lipunan. Magkaisa tayo para matupad ng Pangulo at ng pamahalaan ang mga aspirasyon para sa taumbayan,” anang Palasyo.

KAUGNAY NA BALITA: 'Huwag maging anay!' Usec. Castro, binuweltahan reaksyon ni VP Sara sa ₱20 na bigas

BASAHIN: DA nasaktan sa paratang ni VP Sara sa ₱20 na bigas: 'DA family is deeply hurt'

'Gagawin nating alaala, kasaysayan na lang ang mahal na bigas!'—Romualdez

Iginiit ni House Speaker Martin Romualdez na magiging 'alaala' at 'kasaysayan' na lamang daw ang mahal na presyo ng bigas, matapos niyang purihin si Pangulong Ferdinand 'Bongbong' Marcos, Jr. sa pagsasakatuparan ng aspirasyon nitong mapababa sa ₱20 per kilo ang presyo nito.“Simula pa lang ito. Gagawin nating alaala, kasaysayan na lang ang mahal na bigas. Sa tulong...

Romualdez todo-puri sa ₱20/kilong bigas ni PBBM: 'Turning aspiration into action!'

Pinuri ni House Speaker Martin Romualdez ang presyong ₱20/kilong bigas ni Pangulong Ferdinand 'Bongbong' Marcos, Jr, na inilarawan niya bilang 'turning aspiration into action.'Matatandaang isa sa mga ipinangako ni PBBM noong siya ay nangangampanya bilang presidential candidate ay mapabalik sa ₱20 ang kada kilo ng bigas.“Simula pa lang ito. Gagawin nating alaala,...

MRT-3 at LRT-2, may libreng sakay para sa mga solo parent sa Abril 26

Magandang balita para sa mga solo parents dahil pagkakalooban sila ng pamunuan ng Metro Rail Transit Line 3 (MRT-3) at Light Rail Transit Line 2 (LRT-2) ng libreng sakay sa Sabado, Abril 26.Ito’y bilang pakikiisa ng mga naturang rail lines sa pagdiriwang ng National Solo Parents Week at kahilingan na rin ng Department of Social Welfare and Development (DSWD).Nabatid na maaaring ma-avail ng mga...