'Gagawin nating alaala, kasaysayan na lang ang mahal na bigas!'—Romualdez

By Richard De Leon

April 24, 2025

In BALITA National

Iginiit ni House Speaker Martin Romualdez na magiging "alaala" at "kasaysayan" na lamang daw ang mahal na presyo ng bigas, matapos niyang purihin si Pangulong Ferdinand "Bongbong" Marcos, Jr. sa pagsasakatuparan ng aspirasyon nitong mapababa sa ₱20 per kilo ang presyo nito.

“Simula pa lang ito. Gagawin nating alaala, kasaysayan na lang ang mahal na bigas. Sa tulong ng whole-of-government effort, masusundan ito hanggang maabot ng programa ang bawat sulok ng bansa,” saad ni Romualdez sa kaniyang opisyal na pahayag tungkol dito.

Inatasan ni PBBM ang Department of Agriculture (DA) na magsimula na ng pagbebenta ng ₱20 per kilo ng bigas sa Western, Central, at Eastern Visayas sa susunod na linggo.

Naniniwala pa raw ang House Speaker na kung makakapasok at maiboboto ang lahat ng mga kumakandidatong senador sa Alyansa Para sa Bagong Pilipinas, senatorial slate ng administrasyon, ay tiyak na raw ang tuloy-tuloy na pagbabago sa presyo ng bigas.

"Marami pa tayong batas na dapat ipasa para maipagpatuloy at mapalawig ang ₱20-rice program,” aniya pa.

Dagdag pa ng House Speaker, "The President has cleared the path. Congress will help him pave and widen that road so no Filipino family is left behind. Sa sipag ng magsasaka at disiplina ng bayan, darating ang araw na ang gutom ay alaala na lang at ang abot-kayang bigas ay karapatan at natatamasa ng lahat."

MAKI-BALITA: Romualdez todo-puri sa ₱20/kilong bigas ni PBBM: 'Turning aspiration into action!'

VP Sara sa P20/kilo ng bigas sa Visayas: 'Para bang hindi kayo nagugutom dito sa Maynila'

May pahayag si Vice President Sara Duterte hinggil sa ₱20 kada kilo ng bigas na ipatutupad ng administrasyon ni Pangulong Bongbong Marcos sa Visayas.Dumalo si Duterte sa campaign caucus ni Manila Mayoral bet Isko Moreno Domagoso at ng slate nito sa Tondo sa Maynila nitong Huwebes, Abril 24. Dito ay kinampanya ni Duterte si reelectionist Senator Imee Marcos, na dumalo rin sa naturang...

Romualdez todo-puri sa ₱20/kilong bigas ni PBBM: 'Turning aspiration into action!'

Pinuri ni House Speaker Martin Romualdez ang presyong ₱20/kilong bigas ni Pangulong Ferdinand 'Bongbong' Marcos, Jr, na inilarawan niya bilang 'turning aspiration into action.'Matatandaang isa sa mga ipinangako ni PBBM noong siya ay nangangampanya bilang presidential candidate ay mapabalik sa ₱20 ang kada kilo ng bigas.“Simula pa lang ito. Gagawin nating alaala,...

MRT-3 at LRT-2, may libreng sakay para sa mga solo parent sa Abril 26

Magandang balita para sa mga solo parents dahil pagkakalooban sila ng pamunuan ng Metro Rail Transit Line 3 (MRT-3) at Light Rail Transit Line 2 (LRT-2) ng libreng sakay sa Sabado, Abril 26.Ito’y bilang pakikiisa ng mga naturang rail lines sa pagdiriwang ng National Solo Parents Week at kahilingan na rin ng Department of Social Welfare and Development (DSWD).Nabatid na maaaring ma-avail ng mga...