'Walang Imee, Camille?' DuterTEN, Honasan, Querubin ineendorso ni FPRRD

By Richard De Leon

April 23, 2025

In BALITA Eleksyon

Kinumpirma ni Davao City Representative Paolo "Pulong" Duterte na buo na ang 12 senador na pinal at pormal na ineendorso ng kaniyang amang si dating Pangulong Rodrigo Duterte, sa panayam sa kaniya habang nasa labas ng International Criminal Court (ICC) facility sa The Hague, Netherlands.

Binisita ni Rep. Pulong ang kaniyang ama sa detention center noong Martes, Abril 12.

Bukod sa tinaguriang "DuterTEN" ng Partido Demokratiko Pilipino-Lakas ng Bayan (PDP-Laban), binanggit din ni Rep. Pulong ang re-electionist na si dating Senador na si Gringo Honasan at retired Marine Col. Ariel Querubin.

Special mention naman daw si SAGIP party-list Rep. Rodante Marcoleta na inendorso kamakailan ni Vice President Sara Duterte, at bahagi pa rin ng DuterTEN.

Hindi naman nabanggit ni Rep. Pulong kung ineendorso rin ba ng dating Pangulo, o special mention sina Sen. Imee Marcos at House Deputy Speaker/Las Piñas Lone District Representative Camille Villar.

Ang nabanggit na dalawang senatorial candidates ay inendorso ni VP Sara kamakailan.

KAUGNAY NA BALITA: ‘Itim ang kulay ng pakikiisa!’ VP Sara, pormal nang inendorso si Sen. Imee

KAUGNAY NA BALITA: Camille Villar, nakipag-fist bump kay VP Sara: 'Walang iwanan'

"Ipinapaabot niya ang pasasalamat niya sa patuloy ninyong pagsuporta sa kaniya at pinapaalam niya sa buong sambayanang Pilipino na patuloy po raw suportahan ang PDP Laban DuterTEN senators plus 2,” anang Pulong.

“Final niya inendorse ngayon sa loob, pinapaalam niya sa inyo si Querubin at Honasan,” aniya pa, na tumutukoy sa "plus 2."

Samantala, ang tinatawag na DuterTEN ay sina Atty. Jimmy Bondoc, Sen. Ronald "Bato" Dela Rosa, Sen. Bong Go, SAGIP Party-list Rep. Rodante Marcoleta, Atty. Jayvee Hinlo, Atty. Raul Lambino, Doc. Marites Mata, Pastor Apollo Quiboloy, at Atty. Vic Rodriguez, at Phillip Salvador.

Tingog wag iboto diin ni VP Sara: 'Boto para sa Tingog, boto para kay Martin Romualdez!'

Ipinagdiinan ni Vice President Sara Duterte na huwag iboto ang Tingog Party-list dahil ang katumbas daw nito ay boto para kay House Speaker Martin Romualdez, na re-electionist naman bilang representative ng Leyte.Batay sa kumakalat na video ng panayam ng media kay VP Sara, nahingan siya ng reaksiyon sa naging pahayag kamakailan ni Tingog party-list Rep. Jude Acidre na naguguluhan umano siya sa...

Malacañang, nagdeklara ng 'National Mourning' sa pagpanaw ni Pope Francis

Inanunsyo ng Presidential Communications Office (PCO) na nagdeklara si Pangulong Ferdinand 'Bongbong' Marcos, Jr. ng 'period of National Mourning' o pambansang pagluluksa sa pagkamatay ng lider ng Simbahang Katolika na si Pope Francis.Mababasa sa Facebook post ng PCO na mananatili ito hanggang 'burial' ng Santo Papa.'President Ferdinand R. Marcos Jr. has declared...

Ogie Diaz, may blind item sa kandidatong mamimigay ng 'pork barrel' pag nanalo

Naloka ang showbiz insider na si Ogie Diaz sa kuwentong nakarating sa kaniya tungkol sa isang kumakandidato sa pagkasenador na umano'y nagsabing ipamimigay ang 'pork barrel' niyang matatanggap kapag sinuwerte siyang maupo sa isa sa mga puwesto sa Senado.Idinaan ni Ogie ang 'birada' niya sa pamamagitan ng blind item.'Sa isang patawag na meeting ng transport group,...