₱20 na bigas ng PBBM admin, kinontra ni VP Sara: 'Hindi pantao, panghayop'

By Kate Garcia

April 23, 2025

In BALITA National

Pinatutsadahan ni Vice President Sara Duterte ang nakatakdang paglulunsad ng ₱20 na bigas ng administrasyon ni Pangulong Ferdinand “Bongbong” Marcos Jr.

Sa panayam ng media kay VP Sara nitong Miyerkules, Abril 23, 2025 , tahasan niyang iginiit na tila hindi umano pantao ang nasabing programa ng administrasyon.

“Mayroon akong pagdududa ha? Na magbebenta sila ng 20 per kilo na bigas pero hindi pantao, panghayop,” ani VP Sara.

Dagdag pa niya, “Pag sinabi natin na ₱20 per kilo na bigas yung pwedeng kainin ng tao. 'Yan yung 20 pesos na binebenta yung pinapakain sa baboy. Hindi mga hayop ang mga Pilipino. Kapag nagbenta kayo ng 20 pesos per kilo.”

Giit pa ng Bise Presidente, pakana lang daw ito ng administrasyon dahil sa papalapit na eleksyon.

“Promise na naman ‘yan sa mga tao na alam mong para lang sa eleksyon at para lang sa kanilang mga senators. Para manalo yung kanilang alyansa kuno na iniwan din naman sila ng kanilang dalawang kandidato. Dahil ang alam ko walang direksyon yung kanilang alyansa,” anang VP Sara.

'Walang Imee, Camille?' DuterTEN, Honasan, Querubin ineendorso ni FPRRD

Kinumpirma ni Davao City Representative Paolo 'Pulong' Duterte na buo na ang 12 senador na pinal at pormal na ineendorso ng kaniyang amang si dating Pangulong Rodrigo Duterte, sa panayam sa kaniya habang nasa labas ng International Criminal Court (ICC) facility sa The Hague, Netherlands.Binisita ni Rep. Pulong ang kaniyang ama sa detention center noong Martes, Abril 12.Bukod sa...

Tingog wag iboto diin ni VP Sara: 'Boto para sa Tingog, boto para kay Martin Romualdez!'

Ipinagdiinan ni Vice President Sara Duterte na huwag iboto ang Tingog Party-list dahil ang katumbas daw nito ay boto para kay House Speaker Martin Romualdez, na re-electionist naman bilang representative ng Leyte.Batay sa kumakalat na video ng panayam ng media kay VP Sara, nahingan siya ng reaksiyon sa naging pahayag kamakailan ni Tingog party-list Rep. Jude Acidre na naguguluhan umano siya sa...

Malacañang, nagdeklara ng 'National Mourning' sa pagpanaw ni Pope Francis

Inanunsyo ng Presidential Communications Office (PCO) na nagdeklara si Pangulong Ferdinand 'Bongbong' Marcos, Jr. ng 'period of National Mourning' o pambansang pagluluksa sa pagkamatay ng lider ng Simbahang Katolika na si Pope Francis.Mababasa sa Facebook post ng PCO na mananatili ito hanggang 'burial' ng Santo Papa.'President Ferdinand R. Marcos Jr. has declared...