Pope Francis, ililibing na sa Abril 26 – Vatican

By Mary Joy Salcedo

April 22, 2025

In BALITA Internasyonal

Sa darating na Sabado, Abril 26, ililibing si Pope Francis sa St. Peter's Basilica, ayon sa Vatican.

Base sa ulat ng Vatican News, nakatakdang ganapin ang libing ni Pope Francis sa Sabado dakong 10:00 ng umaga (Vatican time) o 4:00 ng hapon (Philippine time).

Pangungunahan ni Cardinal Giovanni Battista Re, Dean ng College of Cardinals, ang funeral Mass, na dadaluhan ng Patriarchs, Cardinals, Archbishops, Bishops, at mga pari mula sa iba’t ibang dako ng mundo.

Magsisimula naman ang public viewing sa Santo Papa bukas ng Miyerkules, Abril 23, sa St. Peter’s Basilica dakong 9:00 ng umaga (Vatican time) pagkatapos makuha ang kaniyang kabaong, sa pamamagitan ng prusisyon, sa Vatican hotel kung saan siya nakatira.

“The Eucharistic celebration will conclude with the Ultima commendatio and the Valedictio, marking the beginning of the Novemdiales, or nine days of mourning and Masses for the repose of Pope Francis' soul,” saad ng Vatican.

Matatandaang dakong 7:35 ng umaga (Vatican time) nitong Lunes, Abril 21, nang mamayapa si Pope Francis sa kaniyang apartment sa Domus Sanctae Marthae, Vatican City.

Nagkaroon daw ng stroke ang Santo Papa na sinundan ng coma at irreversible cardiocirculatory collapse na naging sanhi ng kaniyang pagpanaw.

BASAHIN: Pope Francis, pumanaw na sa edad na 88

BASAHIN: Pope Francis, na-coma sanhi ng stroke at irreversible cardiocirculatory collapse

Base sa spiritual testament ni Pope Francis noong 2022, hiniling niya ang simpleng libing sa kaniyang pagpanaw.

BASAHIN: Pope Francis, simpleng libing lang ang gusto — Vatican

Marcoleta nagpapatulong sa mga botante: ‘Dalhin n’yo ako sa Senado!’

May apela ang tumatakbong senador na si SAGIP Rep. Rodante Marcoleta sa mga botante na sana raw ay 'dalhin siya sa Senado' sa nalalapit na 2025 National and Local Elections.Mababasa sa kaniyang Facebook post, Lunes, Abril 21, 'Magpapatulong po ako sa inyo. Dalhin po ninyo ako sa Senado. Itama po natin ang maraming mali na nagaganap.'Hindi ito ang unang beses na tumakbong...

Camille Villar nagsalita na hinggil sa mga alegasyon ng 'vote-buying'

Naglabas ng opisyal na pahayag si House Deputy Speaker/Las Piñas Lone District Representative at senatorial candidate na si Camille Villar hinggil sa show cause order na ipadadala sa kaniya ng Commission on Elections (Comelec) sa alegasyon ng vote-buying.Sa ipinadalang mensahe sa media, sinabi ni Villar na aware daw siya hinggil sa show cause order ng Comelec laban sa kaniya, hinggil daw sa isang...

Sakaling manalo: Lacson, ipagpapatuloy pagiging vanguard ng nat’l budget sa senado

Inilahad ni senatorial aspirant Panfilo Lacson ang binabalak niya sa Senado sakaling manalo siya ngayong 2025 midterm elections.Sa latest episode ng “Morning Matters” nitong Martes, Abril 22, sinabi ni Lacson na ipagpapatuloy umano niya ang pagiging vanguard para sa national budget.“Itutuloy ko lang ‘yong pagiging vanguard do’n sa national budget. Kasi ‘yon ‘ang naging passion ko na...