Cardinal Tagle, posibleng maging susunod na Santo Papa

By Mary Joy Salcedo

April 22, 2025

In BALITA National

May posibilidad na si Filipino Cardinal Luis Antonio Cardinal Tagle ang magiging susunod na Santo Papa ng simbahang Katolika.

Isa ang 67-anyos na cardinal mula sa Pilipinas sa mga itinuturing na "papabili" o posibleng maging bagong pope kasunod ng pagpanaw ni Pope Francis noong Lunes, Abril 21.

BASAHIN: Pope Francis, pumanaw na sa edad na 88

Kaugnay nito, sa panayam ng “Unang Balita” ng GMA News nitong Martes, Abril 22, inihayag ni Catholic Bishops' Conference of the Philippines (CBCP) director for broadcast Fr. Francis Lucas na maaaring manalo si Tagle bilang susunod na pope, ngunit ang Espiritu Santo pa rin daw ang magdedesisyon.

“Si Cardinal Tagle, okay naman, puwede siyang manalo pero ang Espiritu Santo magdedesisyon,” ani Fr. Lucas.

Samantala, kasama rin sa mga itinuturing na “strong contenders” para sa posisyon sina Cardinal Pietro Parolin (Italy), Cardinal Peter Turkson (Ghana), Cardinal Péter Erdő (Hungary), at Cardinal Mario Grech (Malta).

Upang makahalal ng bagong Santo Papa, inaasahang isasagawa ang “conclave” kung saan isusulat ng 240 cardinal sa buong mundo ang pangalan ng kani-kanilang iboboto sa isang papel at saka nila ito itinutupi nang dalawang beses bago isilid sa isang lalagyan.

Susunugin naman ang mga balota pagkatapos ng bawat pagboto, at kapag itim na usok ang lumabas mula sa sunog, ibig sabihin ay wala pang napipiling susunod na Santo Papa, ngunit kapag puti ang usok, nangangahulugan itong mayroon nang napili.

BASAHIN: Ang 'conclave' at ang pagpili sa susunod na Santo Papa

True partners, subok na raw: Romualdez, hinikayat iboto buong Alyansa

Nakiusap si House Speaker Representative Martin Romualdez na iboto ang lahat ng senatorial aspirant na kabilang sa “Alyansa para sa Bagong Pilipinas.”Sa isinagawang powerhouse assembly ng mga lokal at pambansang opisyal nitong Martes, Abril 22, sinabi ni Romualdez na subok na umano ang mga kandidato sa ilalim ng slate ng kasalukuyang administrasyon.'They are our true partners. Subok na...

Pope Francis, ililibing na sa Abril 26 – Vatican

Sa darating na Sabado, Abril 26, ililibing si Pope Francis sa St. Peter's Basilica, ayon sa Vatican.Base sa ulat ng Vatican News, nakatakdang ganapin ang libing ni Pope Francis sa Sabado dakong 10:00 ng umaga (Vatican time) o 4:00 ng hapon (Philippine time).Pangungunahan ni Cardinal Giovanni Battista Re, Dean ng College of Cardinals, ang funeral Mass, na dadaluhan ng Patriarchs, Cardinals,...

FL Liza sa pagpanaw ni Pope Francis: ‘Met a saint on earth, now heaven welcomes him home’

Binigyang-pugay ni First Lady Liza Araneta-Marcos si Pope Francis na pumanaw noong Lunes, Abril 21.Sa isang Facebook post nitong Martes, Abril 22, nagbahagi si Araneta-Marcos ng isang larawan kasama ang Santo Papa.“Met a saint on earth. Now heaven welcomes him home,” aniya sa kaniyang post. “Thank you, Pope Francis.”Matatandaang dakong 7:35 ng umaga (Vatican time) nitong Lunes, Abril 21,...