Kitty Duterte, ibinahagi latest na mensahe ni FPRRD sa kanilang pamilya

By Richard De Leon

April 21, 2025

In BALITA National

Ibinahagi ni Veronica "Kitty" Duterte ang isang screenshot na naglalaman ng ipinaaabot na mensahe ni dating Pangulong Rodrigo Duterte para sa kaniyang pamilya, habang naka-detine pa rin sa International Criminal Court (ICC) Detention Center sa The Hague, Netherlands.

Makikita sa Instagram story ni Kitty ang mensahe raw ng dating Pangulo para sa kaniya, sa kaniyang common law partner na si Honeylet Avanceña, at mga anak na sina Vice President Sara Duterte, Representative Paolo "Pulong" Duterte, at Davao City Mayor Sebastian "Baste" Duterte.

Para kay Kitty, pinapasabi ng kaniyang ama na nabasa raw nito ang mensahe ng bunsong anak para sa kaniya, at masaya raw ang dating Pangulo at ipinagdiinan ang pagmamahal niya rito.

Pagmamahal din para sa kaniyang partner at ina ni Kitty na si Honeylet ang pinapasabi ng dating Pangulo. "I love my wife," saad daw nito.

At para naman sa mga anak, "Be strong and find a purpose in life. I have found mine. I love you."

Photo courtesy: Screenshot from Veronica Duterte (IG)

Ipinakita rin ni Kitty sa Instagram story ang mensaheng ipinadala niya para sa ama, sa huling gabi niya sa The Hague.

Noong Marso 11, dinakip si Duterte ng ICC dahil sa kasong "crimes against humanity" kaugnay ng madugong war on drugs sa kaniyang administrasyon.

PBBM sa pagpanaw ni Pope Francis: 'It is a profoundly sad day'

Naglabas na rin ng mensahe ng pagdadalamhati si Pangulong Ferdinand 'Bongbong' Marcos, Jr. hinggil sa pagpanaw ni Pope Francis ngayong araw ng Lunes, Abril 21.Mababasa sa kaniyang Facebook post, 'The Philippines joins the Catholic community worldwide in grieving the loss of His Holiness Pope Francis. A man of profound faith and humility, Pope Francis led not only with wisdom but...

Arch. Villegas inalala bilin ni Pope Francis dahil sa tindig niya sa EJK

Sinariwa ni Archbishop Socrates Villegas ang ilang bagay tungkol kay Pope Francis matapos nitong pumanaw nitong Lunes ng umaga, Abril 21.Sa inilabas niyang “message of sorrow and hope” nito ring Lunes, isa sa binalikang alaala ni Villegas kay Pope Francis ay ang ibinigay nitong lakas at pag-asa matapos siyang kutyain at bantaan ng mga tauhan ng gobyerno dahil sa tindig niya sa extrajudicial...

Escudero, nagluksa sa pagpanaw ni Pope Francis

Nagdalamhati si Senate President Chiz Escudero sa pagpanaw ni Pope Francis ngayong Lunes, Abril 21, ayon na rin sa kumpirmasyon ng Vatican City.Mababasa sa kaniyang Facebook post, 'I join the Catholic Church and the global community in mourning the passing of Pope Francis, a true shepherd of Christ’s flock. His tireless efforts to foster peace and inclusion reshaped the Church’s role in...