Kristo gawing gabay sa pang-araw-araw na pamumuhay—Romualdez

By Richard De Leon

April 20, 2025

In BALITA National

Nagbigay ng mensahe si House Speaker Martin Romualdez para sa Linggo ng Pagkabuhay o Easter Sunday, Abril 20.

Aniya sa kaniyang Facebook post, "Sa muling pagkabuhay ni Hesus, nawa’y mapagnilayan natin ang tunay na diwa ng sakripisyo, kababaang-loob, at wagas na pag-ibig."

"Ang Pasko ng Pagkabuhay ay paalala na sa gitna ng anumang pagsubok, laging may pag-asa at bagong simula."

"Magsilbi sanang gabay sa ating araw-araw na pamumuhay ang halimbawa ni Kristo—ang maglingkod nang may malasakit, magmahal nang taos-puso, at manalig sa Diyos sa lahat ng pagkakataon," dagdag pa niya.

Nagbigay na rin ng mensahe si Pangulong Ferdinand "Bongbong" Marcos, Jr. para sa Linggo ng Pagkabuhay.

MAKI-BALITA: PBBM sa ‘Linggo ng Pagkabuhay’: ‘Sama-sama rin tayong babangon bilang isang bayan’

VP Sara, nag-eendorso raw para sa impeachment trial—solons

Nagbigay ng reaksiyon sina La Union 1st district Rep. Paolo Ortega V at Lanao del Sur 1st district Rep. Zia Alonto Adiong matapos mag-endorso ng mga kandidato sa pagkasenador si Vice President Sara Duterte, na nahaharap sa impeachment trial na nakabinbin sa Senado.Kamakailan lamang, inendorso ng Pangalawang Pangulo sina reelectionist Sen. Imee Marcos, House Deputy Speaker Camille Villar, at SAGIP...

Espiritu, pinuri si Bitoy dahil sa comedy sketch tungkol sa political dynasty

Naghayag ng paghanga si labor leader at senatorial aspirant Atty. Luke Espiritu kay comedy genius Michael V. o kilala rin bilang Bitoy.Sa isang Facebook post ni Espiritu noong Sabado, ibinahagi niya ang kaniyang reaksiyon sa comedy sketch na ginawa ng Bubble Gang tungkol sa political dynasty.Tampok sa naturang comedy sketch kung paano ang galawan ng mga politikong lumilikha ng sarili nilang...

15 katao nasawi sa pagkalunod sa kasagsagan ng Holy Week—PNP

Nakapagtala ng 18 kaso ng pagkalunod ang Philippine National Police (PNP) kung saan 15 sa kanila ang kumpirmadong nasawi. Ayon sa ulat ng isang lokal na pahayagan nitong Linggo ng Pagkabuhay, Abril 20, 2025, tinatayang nasa siyam na mga biktima ng pagkalunod ang nasa hustong edad habang ang ilan ay mga menor de edad.Ilan sa mga rehiyong nakapagtala ng pagkalunod ay mula sa Rehiyon ng Ilocos,...