3 suspek sa pagkidnap at pagpaslang kay Anson Que, driver nasakote na!

By Richard De Leon

April 19, 2025

In BALITA National

Naaresto na ang tatlong suspek na sinasabing nasa likod ng pagdukot at pagpatay sa Chinese businessman na si Anson Que at personal driver na si Armanie Pabillo, Biyernes Santo, Abril 18, 2025.

Ayon sa mga ulat, ipinahayag ni Philippine National Police (PNP) PBGen Jean Fajardo ang kumpirmasyon ng pagkakasakote sa tatlong suspek ngayong Sabado De Gloria, Abril 19.

Aniya, dalawang suspek ang nasukol sa Roxas, Palawan habang isang Chinese national ang nagkusang sumuko sa PNP Anti-Kidnapping Group (PNP-AKG) sa Camp Crame, Quezon City ngayong araw ng Sabado De Gloria.

Naunang pumutok ang tungkol sa pagkidnap sa isang Chinese businessman noong Abril 6.

Saad sa mga naglabasang blind item at ulat, tahimik na pinag-usapan sa elite business circle ang pagdukot sa nabanggit na steel magnate at major benefactor ng philanthropic projects ng kaniyang kompanya.

KAUGNAY NA BALITA: Chinoy steel magnate, dinukot ng grupong nangidnap ng estudyante sa isang exclusive school?

Kalaunan, pinangalanan ang nabanggit na Chinese businessman na si Anson Que.

Abril 9, lumabas ang ulat na natagpuan ang bangkay ng negosyante at driver sa Rizal. Kinumpirma ni Filipino-Chinese civic leader Teresita Ang-See ang naturang insidente.

Aniya, natagpuan ng mga pulis ang bangkay Que at driver nito, may-ari ng Elison Steel, sa Rodriguez, Rizal. Dagdag pa niya, kinidnap si Que habang kumakain sa isang seafood restaurant sa Macapagal Avenue sa Pasay City kamakailan. At ayon daw sa kaniyang mga "reliable sources," nagbayad ang pamilya ni Que ng higit-kumulang ₱160 milyong ransom.

KAUGNAY NA BALITA: Kinidnap na si Anson Que, natagpuan umanong patay kasama ang driver

Balita, isa sa 'most trusted tabloids' sa bansa—survey

Itinanghal ang 'Balita' bilang isa sa 'most trusted tabloids' sa Pilipinas batay sa isinagawang survey ng isang research firm, mula Abril 14 hanggang Abril 16, sa respondents na 1,600 Pilipino sa buong bansa. Nakakuha ng 15% trust rating ang Balita, ka-tie ang Pilipino Star Ngayon, na parehong nasa pangalawang puwesto. Nanguna naman Abante na may 19%.Sumunod naman sa Balita...

Pagpapapako ni Ruben Enaje sa krus, matutuldukan na ngayong taon?

Muling nasaksihan ng mga residente at maging ng libong turista ang taunang Senakulo sa bayan ng San Fernando, Pampanga noong Biyernes Santo, Abril 18, 2025. Sa ika-36 taon ng kaniyang pagpapapako sa krus at pagganap bilang Hesus, ito na raw ang tila kahuli-hulang Senakulong posibleng itanghal ni Ruben Enaje.Si Ruben, 64 taong gulang ang kilalang deboto at namamanatang gumaganap bilang Hesus sa...

Humigit-kumulang 500k deboto, dumalo sa prusisyon ng Poong Nazareno ngayong Biyernes Santo

Nagbigay ng pahayag ang Kura Parokong si Rev. Fr. Ramon Jade Licuanan kaugnay sa isinagawang prusisyon ng Poong Nazareno ngayong Biyernes Santo.Sa isang video statement na inilabas ng Quiapo Church nitong Biyernes, Abril 18, sinabi ni Fr. Licuanan na tumagal umano ng mahigit 11 oras ang naturang prusisyon na dinaluhan ng humigit-kumulang 500,000 deboto.Aniya, “Naisagawa po ng Basilika Menor at...