Nora Aunor, pumanaw na sa edad na 71-Balita

Nora Aunor, pumanaw na sa edad na 71

Sumakabilang-buhay na ang Superstar na si Nora Aunor sa gulang na 71 ngayong Miyerkules Santo ng gabi, Abril 16.

Kinumpirma ito ng kaniyang anak na aktor si Ian De Leon, sa pamamagitan ng Facebook post.

"We love you Ma.. alam ng diyos kung gano ka namin ka mahal.. pahinga ka na po Ma.. nandito ka lang sa puso at isipan namin.." aniya.

Sa isa pang Facebook post, "With deep sorrow and heavy hearts, we share the passing of our beloved mother, Nora C. Villamayor 'Nora Aunor' who left us on today April 16, 2025 at the age of 71.

"She was the heart of our family — a source of unconditional love, strength, and warmth. Her kindness, wisdom, and beautiful spirit touched everyone who knew her. She will be missed beyond words and remembered forever."

"Details to be announced tomorrow."

Hindi naman ibinigay ni Ian ang dahilan ng pagkamatay ng ina.

Kamakailan lamang, tuluyan nang iniatras ng National Artist for Film and Broadcast Arts ang kaniyang kandidatura bilang ikalawang nominee ng People’s Champ Guardians party-list.

MAKI-BALITA: Nora Aunor, umatras sa kandidatura sa Kongreso; susuportahan ibang 'party-list'

Si Nora Aunor, kilala rin bilang "Superstar ng Pilipinas" at "Ate Guy," ay isa sa mga pinakamatagumpay t pinakamahusay na artista sa kasaysayan ng Pelikulang Pilipino. Ang kaniyang karera ay puno ng mga tagumpay at pagkilala sa kaniyang husay sa pag-arte at pag-awit.

Si Ate Guy ay ipinanganak noong May 21, 1953, sa Iriga City, Camarines Sur. Sa malawak na karanasan sa pinilakang-tabing, naging pangunahing bida siya sa mga pelikula na kaniyang ginawa, kabilang ang mga klasikong gaya ng "Himala" (1982), "Bona" (1980), "Thy Womb" (2012), at marami pang iba.

Huwag nang banggitin ang mga parangal na "Best Actress" sa iba't ibang award-giving bodies, bilang pagkilala sa kaniyang mga kontribusyon, tinagurian si Nora Aunor bilang "National Artist" o Pambansang Alagad ng Sining sa larangan ng pelikula at broadcast arts, na ipinagkaloob sa kaniya sa panahon ng administrasyon ni dating Pangulong Rodrigo Duterte.

Ito ay isang maikling paglalarawan lamang ng karera at kontribusyon ni Nora Aunor sa sining ng Pilipinas, at mananatili siyang buhay sa isip at puso ng mga Noranian.

Pagpapapako ni Ruben Enaje sa krus, matutuldukan na ngayong taon?

Muling nasaksihan ng mga residente at maging ng libong turista ang taunang Senakulo sa bayan ng San Fernando, Pampanga noong Biyernes Santo, Abril 18, 2025. Sa ika-36 taon ng kaniyang pagpapapako sa krus at pagganap bilang Hesus, ito na raw ang tila kahuli-hulang Senakulong posibleng itanghal ni Ruben Enaje.Si Ruben, 64 taong gulang ang kilalang deboto at namamanatang gumaganap bilang Hesus sa...

Humigit-kumulang 500k deboto, dumalo sa prusisyon ng Poong Nazareno ngayong Biyernes Santo

Nagbigay ng pahayag ang Kura Parokong si Rev. Fr. Ramon Jade Licuanan kaugnay sa isinagawang prusisyon ng Poong Nazareno ngayong Biyernes Santo.Sa isang video statement na inilabas ng Quiapo Church nitong Biyernes, Abril 18, sinabi ni Fr. Licuanan na tumagal umano ng mahigit 11 oras ang naturang prusisyon na dinaluhan ng humigit-kumulang 500,000 deboto.Aniya, “Naisagawa po ng Basilika Menor at...

Sen. JV Ejercito, inalala dakilang sakripisyo ni Hesus

Ginunita ni Senador JV Ejercito ang dakilang sakripisyo ni Hesus para sa kaligtasan ng buong sanlibutan ngayong Biyernes Santo, Abril 18.Sa isang Facebook post ni Sen. JV sa mismong araw na binanggit, hiniling niyang magsilbing paalala ang banal na araw na ito.“Nawa'y magsilbing paalala ito sa atin ng tunay na pagmamahal, kapatawaran, at pananampalataya.Mapagpalang Biyernes Santo sa ating...