Hindi pula o berde: VP Sara at Sen. Imee, inilarawan kulay ng bansa sa 'ITIM'

By Richard De Leon

April 15, 2025

In BALITA Eleksyon

Pasabog ang campaign video nina Vice President Sara Duterte at Sen. Imee Marcos kung saan opisyal at pormal nang inendorso ng Pangalawang Pangulo ang re-electionist, na kapatid ni Pangulong Ferdinand "Bongbong" Marcos, Jr.

Makikitang parehong nakasuot ng kulay-itim ang dalawa, at mula sa akronim na "ITIM," ay kumpirmadong sinabi ni VP Sara na "Inday Trusts Imee Marcos."

Bukod dito, ang pakahulugan pa ng "ITIM" ay "Ipaglalaban Tayo ni Imee Marcos" at "Ilaban ang Tama, Itama ang Mali."

Sa panimula naman ng 30 second-video, inilarawan ni VP Sara na itim o black ang kulay ng bansa.

"Itim ngayon ang kulay ng bansa. sa gutom at krimen nagluluksa," aniya.

Linya naman ni Sen. Imee, "Gutom na ang sikmura, gutom pa sa hustisya. Ginigipit ang hindi ka-alyansa."

"Marami ang nagsasalita," singit ni Duterte.

"Pero sino lang ba ay may ginawa? Sino ang may ginagawa?" ani Marcos.

"Itim ang kulay ng pakikiramay [VP Sara]. Itim ang kulay ng pakikiisa [Sen. Imee]," saad pa rito.

"Iboto si Senator Imee," saad ni VP Sara sa huling bahagi ng video.

Matatandaang pinag-usapan kamakailan ang larawang ibinahagi ng kontrobersiyal na direktor na si Darryl Yap kung saan makikitang magkasama sina Sen. Imee at VP Sara.

Suspetsa ng ilan, ieendorso ng bise-presidente ang senadora lalo na’t kumalas na ang huli sa senatorial slate ng kapatid nitong si Pangulong Ferdinand “Bongbong” Marcos, Jr.

KAUGNAY NA BALITA: ‘Itim ang kulay ng pakikiisa!’ VP Sara, pormal nang inendorso si Sen. Imee

'Pag-cancel’ ng kanta sa videoke, nauwi sa barilan; 1 patay!

Binulabog ng pamamaril ang isang videoke bar sa Santa Barbara, Iloilo matapos umanong magkainitan ang dalawang lalaki dulot ng pag-cancel sa kani-kanilang mga kanta sa karaoke. Ayon sa ulat ng GMA Integrated News noong Martes, Abril 15, 2025, naunang magsimula ang alitan sa videoke matapos patayin at ikansela ng suspek ang kinakantang entry ng biktima.Lumalabas sa imbestigasyon na gumanti umano...

'ITIM' campaign ad nina Sen. Imee at VP Sara, kinontra ng PNP; crime rate sa bansa, bumaba!

Kinontra ng Philippine National Police (PNP) ang ipinakita umano sa “ITIM” campaign ads ni reelectionist Sen. Imee Marcos kasama si Vice President Sara Duterte kaugnay ng pagtaas daw ng kriminalidad sa bansa. KAUGNAY NA BALITA: 'ITIM' campaign ad concept, pakana raw ni VP Sara sey ni Sen. ImeeSa Press briefing sa Palasyo noong Martes, Abril 15, 2025 ngkomento si PNP Major General...

VP Sara, mas aprub sa mga Pinoy kumpara kina Marcos, Escudero, Romualdez—survey

Sa apat na highest-ranking national government officials, si Vice President Sara Duterte ang nakakuha ng pinakamataas na approval rating, ayon sa Ulat ng Bayan Survey ng Pulse Asia. Inilabas ng Pulse Asia nitong Miyerkules, Abril 16, ang resulta ng isinagawa nilang survey para sa performance at trust ratings ng apat na highest-ranking government officials na sina: Pangulong Ferdinand...