Pagsasapubliko ng listahan ng registered overseas voters, legal ayon sa Comelec

By Kate Garcia

April 12, 2025

In BALITA Eleksyon

Nilinaw ng Commission on Elections (Comelec) na legal umano ang pagsasapubliko nila sa kanilang website ng listahan ng mga opisyal na registered overseas voters.

Kinondena ito ng Computer Professionals' Union (CPU) kung saan isa raw breach of data privacy ang pagsasapubliko ng mga pangalan ng rehistradong botante overseas.

Bunsod nito, tinawag ng komisyon na malisyoso ang naturang pahayag ng CPU dahil naaayon umano sa batas ang kanilang ginawa.

"Ang paglalathala ng Certified List of Overseas Voters sa website ay siya mismong itinatakda ng batas, at isa sa mga kinakailangan gawin ng COMELEC upang ipatupad ang RA No. 10590," anang pahayag ng Comelec.

Wala rin umanong basehan ang naturang akusasyon sa kanila ng CPU.

"Ang pahayag na ang naturang online publication ng listahan ay hindi lamang malisyoso kundi mali at walang basehan sa batas," anang komisyon.

Samantala, noong Biyernes, Abril 11, 2025 nang ianunsyo ng Comelec na umabot na sa 48,000 mga botante ang nakapag-enroll sa online website na gagamitin nila para sa kauna-unahang online overseas voting.

Sen. Robin ineendorso si Sen. Imee pero walang kinalaman si FPRRD, PDP

Nilinaw ng presidente ng Partido ng Demokratiko Pilipino Lakas ng Bayan (PDP Laban) na si Sen. Robin Padilla na bagama't ineendorso niya sina Sen. Imee Marcos at re-electionist Gringo Honasan, ay walang opisyal na endorsement ang partido para sa kanila gayundin ang kanilang chairman na si dating Pangulong Rodrigo Duterte.Ayon sa Facebook post ni Padilla, Linggo, Abril 13, personal na desisyon...

Easterlies, patuloy na nakaaapekto sa bansa – PAGASA

Inihayag ng Philippine Atmospheric, Geophysical and Astronomical Services Administration (PAGASA) nitong Linggo, Abril 13, na ang mainit na easterlies pa rin ang nakaaapekto sa buong bansa at inaasahang magdadala ng maalinsangang panahon.Base sa ulat ng PAGASA kaninang 4:00 ng madaling araw, bukod sa maalinsangang panahon ay inaasahang magdadala rin ang easterlies, o ang mainit na hanging...

4.0-magnitude na lindol, tumama sa Davao Occidental

Isang 4.0-magnitude na lindol ang tumama sa baybaying sakop ng Davao Occidental nitong Linggo ng madaling araw, Abril 13, ayon sa Philippine Institute of Volcanology and Seismology (Phivolcs).Base sa tala ng Phivolcs, nangyari ang lindol na tectonic ang pinagmulan dakong 12:02 ng madaling araw.Namataan ang epicenter nito 348 kilometro ang layo sa timog-silangan ng Balut Island sa munisipalidad ng...