Silang, Cavite mayoral bet, nakatikim ng show cause order sa Comelec: ‘Si lola nilap*** pa ako!’-Balita

Silang, Cavite mayoral bet, nakatikim ng show cause order sa Comelec: ‘Si lola nilap*** pa ako!’

Pinagpapaliwanag ng Commission on Elections (Comelec) ang reelectionist Mayor ng Silang, Cavite na si Atty. Kevin Anarna matapos ang umano’y mahalay na pahayag niya sa isang campaign event.

Sa inilabas na show cause order ng Komisyon, nais umano nilang pagpaliwanagin si Anarna hinggil sa kaniyang naging pahayag sa isang matanda at sa mga solo parents noong Marso 29, 2025.

“Kanina ‘di ko na mabilang kung ilan ang kumurot sa puwet ko. Mayroon pa kanina si lola. Alam niyo, first time ko nangyari ‘to sa kampanya. Si lola nilap*** pa ako,” ani Anarna.

Isang pahayag din niya ang hindi nagustuhan ng Comelec hinggil sa pagpapa-raffle umano sa mga solo parents.

“Sino dito ang mga solo parents? Bakit parang dumami ang solo parents? Kasi lahat ng solo parents bibigyan natin ng libreng asawa. Ang gagawin natin lahat ng balong lalaki at lahat ng balong babae ira-raffle na lang natin ‘yan ha? Pasensyahan na lang tayo kung kanino kayo mapupunta kasi pagkabunot ng pangalan n’yo diretso kasal kay Mayor Kevin,” aniya.

Samantala, giit ng Comelec, posible umanong lumabag si Anarna sa COMELEC Resolution No. 1116 o Anti-Discrimination and Fair Campaigning guidelines for purposes of the 12 May 2025 National and Local Elections and BARRM Parliamentary Elections.

Saad pa ng Comelec, "In view of the foregoing, you are hereby ordered to Show Cause in writing within a non-extendible period of three day from receipt thereof and to explain why a complaint for election offense and/or a petition for disqualification should be filed against you."

Matatandaang kamakailan lang nang maglabas din ng show cause order ang Comelec laban sa ilan pang kandidatong tumatakbo sa mga lokal na posisyon para naman sa mga malalaswa umano nilang pahayag at maging sa isang campaign jingle.

BASAHIN: Atty. Ian Sia, pinagpapaliwanag ulit dahil sa pahayag niya patungkol sa kaniyang babaeng assistant

BASAHIN: Comelec, pinagpapaliwanag si MisOr Gov. Unabia sa pahayag nito ukol sa mga nurse, Moro

BASAHIN: 'Cookie ni Mocha' sinita ng Comelec; sexually suggestive daw!

'Bloodbath impeachment’ na bet ni VP Sara, pinalagan ni De Lima: 'Mindless arrogance!'

Pumalag si Congresswoman-elect Leila de Lima sa naging pahayag ni Vice President Sara Duterte tungkol sa isa umanong madugong impeachment trial na nakaamba laban sa kaniya.Sa Facebook post ni De Lima nitong Linggo, Mayo 18, 2025, tahasan niyang iginiit na wala raw lugar ang karahasan sa isang “constitutional process.”“Diyan naman sila magaling eh: braggadocio, mindless arrogance, toxic...

Cynthia Villar, nasaksihan bilang ina pagsisilbi ni Camille Villar sa bayan

Kung proud ang mister na si dating senador at business magnate Manny Villar, proud din si outgoing Sen. Cynthia Villar sa anak na bagong halal na senador na si Sen. Camille Villar, na naproklama na noong Sabado, Mayo 17, na ginanap sa Manila Hotel Tent City sa Maynila.Si Sen. Camille ang lumalabas na 'successor' ni Sen. Cynthia, na bigo namang manalo sa congressional race ng Lone...

DepEd, umalma sa kumakalat na may Grade 13 na sa Senior High School

Naglabas ng pahayag ang Department of Education (DepEd) tungkol sa mga kumalat na pekeng balitang magkakaroon na ng 'Grade 13' ang Senior High School sa darating na school year 2025-2026.Mababasa sa opisyal na pahayag ng DepEd, 'Fake news ang kumakalat na Facebook post tungkol sa umano’y dagdag na Grade 13 sa Senior High School para sa SY 2025-2026.''Muling...