Sen. Cayetano, pinayuhan sina Sen. Imee, SP Chiz na 'magpalamig ng ulo'-Balita

Sen. Cayetano, pinayuhan sina Sen. Imee, SP Chiz na 'magpalamig ng ulo'

Pinayuhan ni Senador Alan Peter Cayetano sina Senate President Chiz Escudero na magpalamig ng ulo matapos ang naging isyu ng contempt order laban kay Special Envoy on Transnational Crime Ambassador Markus Lacanilao kaugnay ng pagdinig hinggil sa naging pag-aresto kay dating Pangulong Rodrigo Duterte.

“I'm hoping that magkaroon ng chance na magkausap si Senator Imee at Senator Chiz. Kasi nga, mas focus natin yung findings ng committee,” ani Cayetano sa panayam ng mga mamamahayag nitong Biyernes, Abril 11.

Matatandaang sa isinagawang pagdinig ng Senate Committee on Foreign Affairs nitong Huwebes, Abril 10, kinatigan ni committee chair Marcos ang pagpapa-contempt ni Senador Dela Rosa kay Lacanilao matapos ang umano’y kuwestiyonableng mga sagot niya at umano’y pagsisinungaling niya sa pagdinig.

MAKI-BALITA: Ambassador Lacanilao ipina-contempt ni Sen. Bato: ‘You’re lying!’

Samantala, nitong Huwebes ng gabi nang iniit niyang hindi umano nilagdaan ni Escudero ang contempt order at iniatas pa ang pagpapalaya rito mula sa detention facility.

MAKI-BALITA: SP Chiz, ‘di pinirmahan contempt order vs Ambassador Lacanilao; pinalaya agad – Sen. Imee

Kinabukasan nitong Biyernes ay bumuwelta naman si Escudero at hinimok si Marcos na iwasan umanong gamitin ang Senado bilang plataporma para sa "personal political objectives" nito.

MAKI-BALITA: SP Chiz hinimok si Sen. Imee na iwasang gamitin ang Senado para sa 'personal political objectives' nito

KAUGNAY NA BALITA: SP Chiz, naglabas ng show cause order para kay Ambassador Lacanilao

“Ang akin lang is cooler heads and eyes on the ball,” panawagan ni Cayetano sa dalawang kapwa niya senador.

Sinabi rin ni Cayetano na naiintindihan naman niya sina Escudero at Marcos dahil naranasan din daw niyang

“I've also been there eh. As speaker, hindi ka naman basta-basta pirma nang pirma ng subpoena or ng contempt order. But I've also been chairperson na sometimes you want to prove a point, and nandoon na yung basis,” ani Cayetano.

“So yun na nga lang advice ko sa dalawa: Magpalamig ng ulo tapos eyes on the ball tayo,” dagdag niya.

Pakiusap ng Comelec sa mga kandidato sa Mahal na Araw: 'Irespeto natin!'

Muling nakiusap ang Commission on Elections (Comelec) sa mga kandidato na iwasan ang pangangampanya sa kasagsagan ng Mahal na Araw, partikular na sa Huwebes at Biyernes Santo.Sa panayam ng media kay Comelec Chairman George Erwin Garcia nitong Lunes, Abril 14, 2025, hiniling niya ang “pagrespeto” ng mga kandidato para sa naturang religious activity.“Bawal po ang pangangampanya sa Mahal na...

SMC expressways, nakahanda na para sa Holy Week rush

Sinabi ng SMC Infrastructure na sinimulan na nito ang mga paghahanda para sa inaasahang pagdami ng mga sasakyan sa kanilang mga expressway simula Lunes, Abril 14, habang libo-libong Pilipinong motorista ang inaasahang aalis ng Metro Manila patungong mga probinsya para sa paggunita ng Semana Santa.Ayon sa kompanya, nakalatag na ang mga plano sa pamamahala ng trapiko sa kanilang mga tollway,...

Boss Toyo inalok kumandidato pero bakit hindi tumakbo?

Isiniwalat ng social media personality at Pinoy Pawnstar vlogger na si 'Boss Toyo' ang dahilan sa likod ng hindi niya pagkandidato ngayong 2025 midterm elections.Sa isang press conference kamakailan sa Bonifacio Global City, sinabi ni Boss Toyo na may nag-alok umano sa kaniya upang maging 2nd nominee ng Pinoy Ako Partylist at pagkakonsehal sa District 1 ng Maynila.'Hindi pa ito para...