62% ng mga Pinoy, naniniwalang mahalagang harapin ni FPRRD kaso sa ICC

By Mary Joy Salcedo

April 11, 2025

In BALITA National

Tinatayang 62% ng mga Pilipino ang naniniwalang mahalagang personal na harapin ni dating Pangulong Rodrigo Duterte ang kaso niyang “krimen laban sa sangkatauhan” sa International Criminal Court (ICC) sa The Hague, Netherlands, ayon sa WR Numero Research.

Base rin sa inilabas na survey ng WR Numero nitong Biyernes, Abril 11, 20% naman ng mga Pinoy ang nagsabing hindi mahalagang harapin pa ng dating pangulo ang kaniyang kaso sa ICC.

Tinatayang 19% naman ang “undecided” sa naturang usapin.

Samantala, ayon din sa WR Numero, 52% ng mga Pilipino ang naniniwalang “dapat panagutin sa batas at sa isang patas na paglilitis si Duterte para sa krimen laban sa sangkatauhan ng pagpatay kaugnay ng kaniyang giyera kontra droga.”

Nasa 24% naman daw ang hindi naniniwalang dapat panagutin sa batas ang dating pangulo, habang 25% ang hindi siguro sa kanilang isasagot.

Isinagawa raw ang nasabing survey mula Marso 31 hanggang Abril 7 sa pamamagitan ng face-to-face interviews sa 1,894 registered voters sa bansa.

Kasalukuyang nasa kustodiya ng ICC si Duterte matapos siyang arestuhin noong Marso 11 dahil sa kasong "crimes against humanity” kaugnay ng madugong giyera kontra droga ng kaniyang administrasyon.

Noong Marso 14 nang isagawa ang pre-trial hearing ni Duterte sa ICC Pre-trial Chamber I.

Nakatakda naman ang confirmation of charges hearing ng dating pangulo sa darating na Setyembre 23, 2025.

MAKI-BALITA: TIMELINE: Mula pag-implementa ng drug war, pag-imbestiga ng ICC, hanggang pag-aresto kay FPRRD

Pagpatay kay Anton Tan, walang kinalaman sa POGO—Atty. Kit Belmonte

Mariing pinabulaanan ng pamilya ni Filipino-Chinese businessman Anton Tan, kilala rin bilang Anson Que, na may kinalaman sa Philippine Offshore Gaming Operators (POGO) ang pagpatay sa negosyante kamakailan.BASAHIN: Kinidnap na si Anson Que, natagpuan umanong patay kasama ang driverKAUGNAY NA BALITA: PNP, kinumpirmang sina Anson Que, driver ang natagpuang patay sa Rizal'The family of the late...

Marbil, nangako sa seguridad ng Filipino-Chinese traders: ‘We will not rest until these cases are solved’

Siniguro ni Philippine National Police (PNP) chief Police General Rommel Marbil na nakatutok umano ang pulisya sa seguridad ng mga Chinese nationals sa bansa, kasunod ng pagpatay sa Filipino-Chinese businessman na si Anson Que.KAUGNAY NA BALITA: Kinidnap na si Anson Que, natagpuan umanong patay kasama ang driverSa isang pulong kasama ang Federation of Filipino-Chinese Chambers of Commerce and...

Kaguruan, paaralan pinaalalahanang protektahan personal data ng mga estudyante

Nagbigay ng paalala ang National Privacy Commissions (NPC) sa mga pang-edukasyong institusyon at kaguruan kaugnay sa personal data ng mga estudyante.Ito ay matapos mahagip sa isang kumalat na video ang pangalan at Learner Reference Number (LRN) ng estudyante dahil sa dalawang teacher na nagtuturo kung paano i-dry seal ang diploma.Kaya sa isang Facebook post ng NPC noong Biyernes, Abril 12,...