Inaasahang makararanas ng dangerous heat index na 46°C ang Dagupan City, Pangasinan bukas ng Sabado, Abril 5, ayon sa Philippine Atmospheric, Geophysical and Astronomical Services Administration (PAGASA).
Base sa tala ng weather bureau dakong 5:00 ng hapon nitong Biyernes, Abril 4, bukod sa Dagupan City ay inaasahan ding mararanasan ang dangerous heat index na 44°C sa Virac (Synop), Catanduanes at 42°C sa ISU Echague, Isabela.
Paliwanag ng PAGASA, ang heat index ay tumutukoy sa pagsukat kung gaano kainit ang nararamdaman kapag isinasama ang “humidity” sa aktwal na temperatura ng hangin.
Nakasailalim sa danger level ang heat index mula 42°C hanggang 51°C.
Posible sa mga lugar na may dangerous heat index ang “heat cramp” at “heat exhaustion.”
SP Cayetano sa posibleng kudeta ulit sa Senado: 'Buo yung 13, sa 13, walang onsehan!'
“Heat stroke is probable with continued activity,” saad pa ng ahensya.
BASAHIN: Explainer: Ano ang ibig sabihin kung mataas ang ‘heat index’ sa isang lugar?
