Mariing kinondena ng Gabriela Partylist ang naging biro ng tumatakbong kongresista sa Pasig City na si Atty. Christian "Ian" Sia tungkol sa mga single mother sa lungsod.
Base sa viral video ni Sia, sinabi niya: “Minsan sa isang taon ang mga solo parent na babae na nireregla pa… Nay, malinaw, nireregla pa—at nalulungkot, minsan sa isang taon, pwede pong sumiping sa akin. Yun pong interesado magpalista na po dito sa table sa gilid.”
Tinawag na “misogynist remark” ni Gabriela Partylist Rep. Arlene Brosas ang naturang biro ni Sia sa pamamagitan ng isang pahayag nitong Biyernes, Abril 4.
“Atty. Sia’s lewd misogynist remark trivializes the woes of our solo parents, subjugating them to mere sexual pleasure while sending distasteful tones of machismo. Candidates spewing misogynist remarks and normalizing the objectification of women should never have a platform to amplify their distorted values,” giit ni Brosas, na tumatakbo bilang senador sa 2025 midterm elections.
CEAP, iginiit pagpapanatili ng Ethics sa college curriculum
“We in Gabriela Partylist believe those candidates merit disqualification from the electoral race. We can call the attention of Comelec, and even file a disbarment case against Atty. Sia for violating the oath of lawyers due to his grossly immoral conduct,” dagdag niya.
Ayon naman kay Gabriela Partylist first nominee Sarah Elago, dapat may mangyaring pagpapanagot sa binitawang salita ng Pasig City candidate dahil hindi raw ito katanggap-tanggap.
“Tumindig tayo at magpahayag ng pagkondena sa ganitong klase ng machismo na ginagamit pang entablado ang elektoral na kampanya. Hindi ito katanggap-tanggap at lalong hindi nakakatawa. We believe the poll body must weigh in on this and come up with stronger sanctions against misogynist and discriminatory remarks of candidates during campaign,” ani Elago.
“Gabriela Partylist will not simply let this slide. Dapat may pagpapanagot na mangyari. We stand in defense of our solo parents who are in dire need of more benefits and state support, not disrespectful and lewd jokes,” saad pa niya.
Nito naman ding Biyernes nang maglabas ang Commission on Elections (Comelec) ng isang show cause order, at ipinagpapaliwanag si Sia tungkol sa naturang biro niya habang nangangampanya sa Pasig City.
MAKI-BALITA: Atty. Ian Sia, maaaring patawan ng election offense o disqualification
Humingi naman ng paumanhin ang Pasig City congressional candidate nito ring Biyernes, ngunit iginiit na dapat daw sa nag-upload ng viral video magalit ang mga tao dahil hindi raw ipinakita na tumawa ang mga nakarinig sa kaniyang "joke."
MAKI-BALITA: Atty. Ian Sia, sinisi ang uploader ng viral video; di raw pinakita pagtawa ng mga tao
